Қазақстанда шегірткелердің шабуылына дайындалуда

Қазақстанда зиянкес жәндіктерге қарсы алдын алу шаралары жүргізіліп жатыр. Себебі Африка, Үндістан, Пәкістан, Ауғанстан және тағы да басқа елдерді шегіртке жайлап жатыр. Бұл туралы брифингте Ауыл шаруашылығы министрлігінің Мемлекеттік инспекция комитетінің төрағасы Алмабек Марс хабарлады.

«Биыл Қазақстанда шегіртке зиянкестерінің таралуы 554 мың гектар алқапқа таралады деп күтілуде, оның ішінде итальяндық шегірткелер - 295,9 мың га, азиялық шегірткелер - 164,2 мың га, мароккалық шегірткелер - 93,9 мың га. Сонымен қатар, үйірлі емес  саяқ шегірткелердің таралуы 266 мың га алаңға таралады деп болжануда», - деді Марс.

Оның айтуынша, үйірлі шегірткелермен күресуге республикалық бюджеттен шамамен 1 миллиард теңге бөлінді, бұл жобаланған барлық аумаққа пестицидтер мен химиялық өңдеу қызметтерін сатып алуға мүмкіндік берді. Саяқ шегірткелермен күресуге жергілікті бюджеттен 555 миллион теңге бөлінді.

Сонымен қатар, орталық қоймада 525 мың га (жобаланған алаңның 95%) өңдеуге мүмкіндік беретін 47 мың литр мөлшерінде шегірткелер қарсы қолданылатын пестицидтердің қоры бар.

«Өсімдіктерді тиімді өңдеу үшін әртүрлі пестицидтердің бірнеше тобы сатып алынды. Емдеуге 148 арнайы бүрку құралы қолданылады», - деді спикер.

Оның айтуынша, аймақтарда зиянкестерден өңдеу жұмыстары қазірдің өзінде жүріп жатыр.

«Аталған іс-шаралар уақытылы жүргізіліп жатыр. Біз шегірткенің жаппай таралуы белгілі бір аймақта болады деп ойлаймыз. Сондықтан да  барлық шұғыл шараларға дайынбыз. Қазіргі уақытта ерекше қауіпті деген аймақтарға  Батыс Қазақстан, Ақтөбе және Шығыс Қазақстан облыстары жатады, олардың фитосанитарлық шараларына ерекше назар аударылуда», - деді Алмабек Марс.

Сонымен қатар оның айтуынша, биыл соңғы 25 жылда болмаған шегірткенің шабуылы, жаппай таралуы болады. Тіпті, Біріккен ұлттар ұйымы мұның арты ашаршылыққа әкелуі мүмкін дегенді де айтты. ФАО мәліметтері бойынша, шегірткенің басып кіруі Африканың көптеген елдерінде  аштық тудыруы мүмкін.