ҚазАТУ трансформациясы өз дипломдарының халықаралық деңгейде танылуына көмектеседі

С.Сейфуллин атындағы Қазақ агротехникалық университетіндегі қайта құру процесінің басталып жатқандығы туралы университет ректоры Ақылбек Күрішбаев өзінің Facebook парақшасында айтты. Ғалымның айтуынша, Қазақстан Республикасының Ауыл шаруашылығы министрлігі ҚазАТУ-ға үш ғылыми-зерттеу институтын және Солтүстік Қазақстан ауылшаруашылық тәжірибе станциясына беру туралы шешім қабылдады.

ҚазАТУ-ды қазіргі заманғы зерттеу университетіне айналдыру қажеттілігі Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасы бойынша жасалуда. Оның құрамына Бараев атындағы СПК астық фермасы кіретін болады. Сонымен қатар аталған оқу орнына ғылыми базаны нығайтатын Қазақ орман және агроөнеркәсіптік ғылыми-зерттеу институты, Тамақ өнеркәсібі және оны өңдеу ғылыми-зерттеу институты, Солтүстік Қазақстан ауылшаруашылық ұйымдары енеді.

Тақырыпты оқу:  Қазақстандағы сұранысқа ие ЖОО аталымы бойынша ҚазАТУ ІІ орынды иеленді

Осы жұмыстың екінші кезеңінде әлемнің белгілі ауыл шаруашылық университеттері - Davis UC (АҚШ) және AgroParisTech (Франция) қатысуымен  бес жылдық даму бағдарламасы қабылданатын болады. Айта кетерлік жағдай бағдарлама қазірдің өзінде жасалды. Егер барлық шарттар орындалса, ҚазАТУ дипломы халықаралық деңгейде танымал болады.

«Біз аграрлық ғылым мен оқытудың қазіргі заманғы моделіне көшіп жатырмыз, бұл  жүйеде: зертханалық жұмыс пен аудиториялық оқу қатар жүреді. Бұл мультипликативті тиімділікті қамтамасыз етеді: агроөнеркәсіптік кешеннің негізгі мәселелерін шешетін жаңа бағдарлама негізінде заманауи ғылыми кадрлар даярланады. Сонымен бірге әр ғылыми зерттеудің нәтижесі студенттерге арналған білім беру бағдарламаларына енгізілетін болады. Студенттердің практикалық дайындығы күшейтіледі, олар студенттік өмірден бірден ғылыми жұмысқа қатысады», - деді Ақылбек Күрішбаев.

Енді барлық ауылшаруашылық мамандықтары бойынша жоғары курс студенттері, магистранттар, докторанттар ғылыми-зерттеу институтында және тәжірибе станциясында кампустарда тұрып, оқиды деп болжанады.

Аталған Зерттеу университеті болашақта  extension services жүйесінің бөлігі ретінде фермерлер үшін білімді тарататын орталыққа (ауыл шаруашылығы мамандарын қайта даярлау) айналады.

Осындай кері байланыстың арқасында ҚазАТУ өзінің ғылыми-зерттеу және оқу бағдарламаларын саланың нақты қажеттіліктеріне қарай жасай алады.

«Өкінішке орай, осындай жүйені құру қажеттілігін дәлелдеу үшін біздің университет ұжымына көп  жыл уақыт қажет болды. Жұмыс барысында түсінгеніміз, біздің мемлекеттік органдарда бюрократия, құлықсыздық және өз бетінше маңызды шешімдер қабылдау қиын екенін, өкілеттік берілген шенеуніктерден қорқу жағдайлары бар екенін түсіндік. Әсіресе Ауыл шаруашылығы министрлігіндегі аграрлық зерттеу университетінің тағдырын  шешу қиын болды. Сондықтан, жекелеген ретроградтық кедергілерге қарамастан, Ауыл шаруашылығы министрі  Сапархан Омаровтың батыл шешім танытып, қолдау көрсеткені үшін үлкен алғыс айтқым келеді. Біз сондай-ақ Мәжілістің вице-спикері Владимир Божкоға осы шешімді бізбен бірге «алуға» жәрдемдескені үшін алғыс айтамыз», - деп қорытындылады ойын Ақылбек Күрішбаев мырза.