ҚазАТУ Қазақстандық жоғары оқу орындарына деген сұраныс рейтингінде екінші орын алды

С.Сейфулин атындағы Қазақ агротехникалық университеті Қазақстандық жоғары оқу орындары арасында  сұраныс рейтингінде екінші орында тұр. Бұл туралы ақпарат университетте айтылды.

ҚазАТУ жыл сайын тәуелсіз аккредиттеу жүргізетін және рейтинг агенттігі (AРТA) өткізетін білім беру бағдарламаларының рейтингіне қатысады. Биылғы жылы аталған рейтингке қатысу үшін Қазақстанның 89 жоғары оқу орнынан,  1939 білім беру бағдарламасынан өтінімдер келіп түскен.

«Қазақстан Республикасы жоғары оқу орындарының бас рейтингісінде біздің университет II орынға ие болды. Рейтингтік әдістеме бойынша ең маңызды көрсеткіштеріне мыналар жатады: университетті аккредиттеу және білім беру бағдарламалары, адами ресурстардың даму деңгейі, жоғары білімнің интернационализациясы, ғылыми зерттеулердің даму деңгейі, жұмыспен қамту және ЖОО түлектеріне деген сұраныс және тағы басқа да талаптар бар», — деді ҚазАТУ қызметкерлері.

AРТA рейтингісіне қатысқан ҚазАТУ-дің 120 білім беру бағдарламасының 95-і жүлделі орындарға ие болды: 42 бағдарлама — III орын, 35-II орын және тағы 18 бағдарлама — III орын алды.

«2014 жылдан бастап ҚазАТУ ауыл шаруашылығы саласындағы заманауи ғылыми-зерттеу университетіне айналу үшін жаңа стратегияны жүзеге асыруда. Реформаның түпкі мақсаты — Қазақстандағы батыстық үлгідегі бірінші ауылшаруашылық ғылыми-зерттеу университетін құру», — деді университет басшылығы.

Қазіргі уақытта серіктес университет — UC Davis университетімен (АҚШ) бірлесіп белсенді жұмыс жүргізілуде, ол ауылшаруашылық ғылымдары мен ветеринария саласында әлемде 1 және 2 орынды алады. UC Davis-тің жетекші профессорлары мен кеңесшілерімен бірлесе отырып, ҚазАТУ-ды ауылшаруашылығы саласындағы зерттеу университетіне айналдыру бойынша бағдарлама жасалды. Магистратурада  жаңа білім беру бағдарламалары оқу процесіне енгізілді. Студенттердің практикалық сабақтарының ұзақтығы 3 айдан 8 айға дейін ұлғайтылды, дуальды оқыту 54 пән бойынша жүргізіледі.

Сонымен қатар, университет AgroParisTech университетімен және Agreenium консорциумымен (Франция) үш бағыт бойынша бірлескен білім беру бағдарламаларын дайындауды бастау туралы келісімге келді, ол мамандықтар: «өсімдікті қорғау», «мал шаруашылығы» және «топырақтану», 5 жылдан кейін студенттер AgATParisTech компаниясы мен ҚазАТУ-дың дипломына ие болады.

Жалпы, ҚазАТУ 45 халықаралық қормен және ұйымдармен халықаралық байланыстарды  жүзеге асыруда, атап айтқанда, шетелдік студенттермен жұмыс жасау кезінде ынтымақтастықта істейді. Халықаралық ынтымақтастықтың арқасында университетке 2 миллиард теңге көлемінде шетелдік инвестиция тартылып, университет базасында 6 халықаралық орталық құрылды: инженерлік кадрларды даярлау және қайта даярлау жөніндегі Қазақстан-Беларусь орталығы, CLAAS нақты егіншілік жөніндегі Қазақ-Герман орталығы, John Deere нақты егіншілік орталығы,  Қазақстан-Корей ГИС- технологиялар орталығы, Big data орталығы, балық және аквакультураның ғылыми-білім беру орталығы. Бірлескен ғылыми жобалар жасау үшін  29 шетелдік ғалымдар жұмыс істеуде.

Айтарлықтай ғылыми әлеуеті-мүмкіншіліктері бар университет өткен жылы фермерлер мен ұйымдар үшін ғылыми-зерттеу және басқа да жұмыстардан алынған қаражатты 3,5 есеге арттырды. Осының арқасында студенттер білім алып қана қоймай, оларға стипендия көлемі айтарлықтай артуда.

С.Сейфуллин атындағы Қазақ агротехникалық университеті - Орталық және Солтүстік Қазақстанда орналасқан ірі  ауыл шаруашылық университеттерінің бірі, ол 1957 жылы құрылған. Университетте 13 148 студент оқиды, оның ішінде 11 882 бакалавр, 1141 магистрант және 125 адам PhD докторлары. Профессор-оқытушылар құрамы 831 адамды құрайды, олардың 62% ғылыми дәрежелер мен атақтары бар, оның ішінде 83 ғылым докторы, 60 PhD докторы және 376 ғылым кандидаттары.

QS World University Rankings® рейтингісінің әлемдік рейтингісінің нәтижелері бойынша 2012 жылдан бастап ҚазАТУ әлемдегі ең үздік 800 университеттің қатарына кіреді. ҚазАТУ — бірыңғай еуропалық білім беру кеңістігінің негізін құратын Университеттердің Ұлы хартиясының мүшесі.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.