ҚазАТУ ректоры Ұлттық академия академигі атанды

Сакен Сейфуллин атындағы Қазақ агротехникалық университетінің ректоры Ахылбек Күришбаевқа ҚР Ұлттық академиясының академигі атағы берілді.

Биылғы жыл еліміздегі жетекші аграрлық университет үшін ерекше болды, өйткені аталған оқу орнында зерттеу университетіне айналу процесі басталды. Ғылыми зертханалар мен өндірістік алаңдарды ҚазАТУ-ға беру туралы шешім қабылданды, соның негізінде ғылыми-зерттеу жұмыстары мен мамандарды даярлау ісі сапалы жүретін болады. Аталған ғылыми орындар жайлы айтар болсақ, бұл Бараев атындағы астық шаруашылығының ҰӨО, Қазақ орман шаруашылығы және агроорман шаруашылығы ҒЗИ, Өңдеу және тамақ өнеркәсібі ғылыми-зерттеу институты, Солтүстік Қазақстан тәжірибе станциясы.

Тақырыпты оқу: «Сан арқылы» фермерлер қалай үнемдейтін болады

ҚазАТУ-дың бес жылға арналған даму бағдарламасын әлемнің жетекші ауыл шаруашылық университеттері жасады, олар: UC Davis (АҚШ) және AgroParisTech (Франция). Болашақта бұл ҚазАТУ дипломының халықаралық деңгейде бағалануына мүмкіндік береді.

Айта кетерлік жағдай, биыл ҚазАТУ қазақстандық жоғары оқу орындарына сұраныс рейтингінде екінші орынды иемденді.

Әрине, университет қызметкерлеріне осындай нәтижеге жету үшін көп күш салу керек болды. Оның ішінде ректор Ақылбек Күрішбаевтың еңбегі зор болды. Өйткені, үкіметтік деңгейде қайта құру процесін бастау туралы шешім өте қиын болды. Ол Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасында белгіленгеніне қарамастан, ғалымдар шенеуніктерге аталған  қадам білім беру жүйесінің бәсекеге қабілеттілігін сақтау үшін қажет екенін бірнеше рет дәлелдеулеріне тура келді.

«Ауыл шаруашылығы министрі Сапархан Омаровқа осындай батыл шешім қабылдағаны үшін үлкен рахмет айтамын. Сондай-ақ, Мәжіліс вице-спикері Владимир Божкоға осы мақсатқа жетуге атсалысқаны үшін алғыс айтамыз», - деді Ақылбек Күрішбаев.

Сонымен бірге ҚазАТУ ұжымы өзінің көшбасшысына алғыс айтады және оны жеке жетістіктерімен құттықтайды. Жақында Ақылбек Күрішбаев Сенат депутаттығына үміткер болып сайланды. Жаңа жағымды оқиғаның бірі- Қазақстан Ұлттық академиясының академигі деген құрметті атақтың берілуі болды.

«Сізге шын жүректен мықты денсаулық, табыс тілейміз және Қазақстан Республикасының ең ірі заманауи аграрлық университетінің ректоры ретінде жаңа жетістіктерге жетуіңізге тілектеспіз!», - деп құттықтады ұжымы.

Тарих көрсеткендей адам баласына табыс өмір мектебінен жүріп өткенде ғана, яғни  қарапайым жұмысшыдан бастап көтеріліп, академик дәрежесін дейін барлық кезеңдерден өткенде ғана келеді.

Тақырыпты оқу: ҚазАТУ-да жылқы етінен жаңа тағамдар ойлап тапты

Ақылбек Күрішбаев еңбек жолын мектепте оқып жүргенде комбайнердің көмекшісі ретінде бастады. Еңбек ете жүріп ол мектепті алтын медальмен аяқтады. 1983 жылы Қазақ ауылшаруашылық институтының агрономия факультетіндегі агрохимия және топырақтану мамандығы бойынша үздік бітірді. Ол бұрынғы Кеңес Одағында В.Р.Вильямс шәкіртақысын алатын жалғыз студент болды. Қазақ ауылшаруашылық ғылыми-зерттеу институтында агротехникалық топырақтану кафедрасында зертханашыдан директордың орынбасарына дейін көтерілді. 1997-2002 жж. - А.И. Бараев атындағы Қазақ ғылыми астық шаруашылығы ғылыми-зерттеу институтының директоры болды, Ауыл шаруашылығы вице-министрі болып жұмыс істеді, Қазақстан Республикасы Ауыл шаруашылығы министрлігінің ғылым департаментін басқарды. 2008-2011 жж. - ҚР Ауыл шаруашылығы министрі болды.

ҚазАТУ-ды - 2011 жылдың 18 қазанынан бастап басқарып келеді.

Тақырыпты оқу: ҚазАТУ ғалымдары қой сүтінің пайдасын зерттеуде

А.Күрішбаевтың ғылыми қызметі жайлы айтар болсақ, ол ауылшаруашылық ғылымдарының докторы, профессор, Ресей ауылшаруашылық ғылымдары академиясының академигі Ақылбек Күрішбаев 300-ден астам мақалалар жариялаған. Соның ішінде беделді халықаралық ғылыми журналдарда, 11 монография мен кітаптар жариялады. Оның жетекшілігімен үш ауыл шаруашылығы ғылымдарының кандидаты, төрт PhD докторы ғылыми жұмыстарын қорғап жұмыс істеуде.