ҚазАТУ-да жылқы етінен жаңа тағамдар жасалды

Қазақтар ғасырлар бойы жылқы етінен түрлі тамақтар жасап келеді. С. Сейфуллин атындағы Қазақ агротехникалық университетінің ғалымдары осы ет түрінен заманауи рецептер бойынша тағамдар әзірлеуге кірісті.

Жылқы еті диеталық болып саналады, ол сиыр етінен сегіз есе жылдам сіңіріледі. Оның құрамында тек 2,5 - 5% май, ал су - 70 - 74% болады. Жылқы етінде холестерин аз, ол   витаминдер мен микроэлементтерге бай. Ғылыми зерттеулер бойынша жылқы еті   нутриенттік құрамы бойынша басқа еттерден асып түсетіні дәлелденді  және оның құрамында ақуыз өте көп.

Аталған фактілерді ескере отырып, олар  дәстүрлі ұлттық тағамдарымызды кеңінен насихаттауды дұрыс деп шешті.

-   Айта кетерлік бір жағдай, біз «жылқы етінен жасалған ет өнімдерін көпшілікке  тарату», деген кезде, экспорттық, шетелдік тұтынушылардың қызығушылығын арттыру ды айтамыз, - деді ҚазАТУ-дың тамақ және қайта өңдеу өндірісі технологиясы кафедрасының ассистенті Қадыржан Мақанғали. –  Қазақстанда шетелдік тағамдармен бәсекелесе алатын өнімдер жоқ деген пікірлер айтылады (атақты чех шұжықтары немесе неміс сосискалары). Бірақ мәселе сол тағамды дұрыс көрсете білуде. Егер біздің дәмді де пайдалы қазы, шұжық, етті әдемі безендіріп, дұрыс ұсына білсек, денсаулығын күтетін жандар үшін таптырмас тағам болар еді. Түйе, жылқы, қой етінен жасалған дәстүрлі қуырылған шұжықтарды тек Қазақстанда ғана жеуге болады емес пе?

Аспаздық инновациялық тағам әзірлеу үшін көшпенді халықтардың дәстүрлі ет өнімдерін дайындау рецептілері қаралды. Бұл жұмыстың нәтижесінде ысталған тағам жасаушы авторлардың өзіндік рецептілері пайда болды. Осы тағамдармен Қадыржан Мақанғали  2016 жылы  IFFA Франкфурт қаласында өткен халықаралық Ет өнеркәсібі байқауына қатысып, алтын медаль ұтып алды.

Тақырыпты оқу: ҚазАТУ  ғалымдары өнім шығынын қалай қысқарту керектігін айтты

- Біздің жасаған тағамдарымызды өндіріске енгізу мақсатында мені жас маман ретінде Екібастұздағы «Рахмет» ет өңдеу кешеніне жарты жылдық тағылымдамаға жіберді, - деді Қадыржан Мақанғали. - Бұл жақсы тәжірибе болды. Тағылымдама басталар алдында заманауи технологиялық режимдер мен тәсілдерді енгізу бойынша міндеттер жасалды және сол мақсаттарға жеттік.

Қазіргі уақытта «Рахмет» ҮАК өнімдері Екібастұзда ғана емес, сонымен қатар елордалық дүкендерде де сатылады.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.