Маңғыстау облысында жылқы шаруашылығы қалай дамытылуда

Маңғыстау облысының Мұнайлы ауданында 64 жылқы өсіретін ферма бар. Аталған саланы қолдау үшін фермерлерге жеңілдетілген несиелер мен субсидиялар беріледі. Бұл туралы Мұнайлы ауданының кәсіпкерлік, ауыл шаруашылығы және ветеринария бөлімінің бастығы Дастан Мұраталиев хабарлады.

«Облыста жылқы өсірумен 64 ферма айналысады, олардың бірі -«Нұржан» шаруа қожалығы, оның құрамында 470 жылқы, оның ішінде 17 араб жылқысы және 25 ағылшын тұқымды жылқылар бар. Мемлекет асыл тұқымды жылқы сатып алуға 100 мың теңге көлемінде субсидия төлейді», - деді Мұраталиев Өңірлік коммуникациялар қызметінде өткен брифингте.

Ол облыстағы ауылшаруашылық малдарды бірдей таңбалау жүйесінде 4363 жылқы тіркелгенін айтты. Сонымен қатар, үш шаруашылық субсидия алады, олар: «Битанов» (145 мал), «Қожыр ата» (135 жылқы) және «Еңбек» (бір жылқы).

 Аудан әкімдігінің баспасөз қызметі хабарлағандай, жылқы шаруашылығын дамытуға несиелер «Нәтижелі жұмыспен қамту және жаппай кәсіпкерлікті дамыту» 2017-2021 жылдарға арналған мемлекеттік бағдарлама бойынша беріледі. «Ауыл шаруашылығын қаржылай қолдау қоры» арқылы 2019 жылы екі жобаға 8 млн теңгеге кредиттер берілді (Д.Чукаева 4 млн теңгеге 16 жылқы, Х.Шораева - 4 млн теңгеге 13 жылқы). Биыл бір жобаға 4 млн теңге несие берілді (А. Қоңырбаева - 13 жылқы).

Сонымен қатар, 2019 жылы Ауыл шаруашылық несие корпорациясы арқылы 6 жоба 35 миллион теңге көлемінде несие алды. Биыл бір жобаға 6 миллион теңгеге қолдау көрсетілді. «Атамекен» микроқаржы ұйымы арқылы 2019 жылы екі жоба 13,5 миллион теңгеге (35 жылқы) несие алды, биыл 1 жоба 3,2 миллион теңгеге (8 жылқы) несие алды. «Нұр Капитал» аймақтық бағдарламасы бойынша ЖК Кемалова 10 млн теңгеге 20 жылқы сатып алуды жоспарлап отыр.