Күрішбаев Ақылбек Қажығұлұлы

Facebook-тегі профилі

Ақылбек Күрішбаев Алматы қаласында дүниеге келген.

Білімі

1983 ж. – Ақылбек Күрішбаев Қазақ ауылшаруашылық институтын агрохимия және топырақтану мамандығы бойынша бітірді.

Ақылбек Күрішбаев аспирантураны аяқтады. Ауыл шаруашылығы ғылымдарының докторы, профессор. Ресей ауылшаруашылық ғылымдары академиясының академигі.

Еңбек жолы

Ақылбек Күрішбаев еңбек жолын Талғар ауданаралық маманданған шаруашылық бірлестігі комбайнерінің көмекшісі, Алматы облысы Талғар ауданы Шынгелді орта мектебінің мектеп-интернатында тәрбиешісі болып бастаған.

Ақылбек Күрішбаев аспирантураны бітіргеннен кейін Алматы облысы Қазақ ғылыми-зерттеу ауылшаруашылық институтының кіші ғылыми қызметкері, кәсіподақ комитетінің төрағасы, аға ғылыми қызметкері, директорының орынбасары болып жұмыс істеді.

1997 ж. – Ақмола облысы Шортанды ауданындағы А.И. Бараев атындағы Қазақ астық шаруашылығы ғылыми-зерттеу институтының директоры.

2002-2005 жылдары – Қазақстан Республикасы Ауыл шаруашылығы вице-министрі, Қазақстан Республикасы Ауыл шаруашылығы министрлігі Ғылым департаментінің директоры.

2006 ж. – Қазақстан Республикасы Ауыл шаруашылығы министрлігінің Ғылым департаментін басқарды.

2007 ж. – Қазақстан Республикасы Ауыл шаруашылығы вице-министрі.

2008-2011 жылдары – Қазақстан Республикасының Ауыл шаруашылығы министрі.

2011 ж. қазан - 2020 ж. тамыз – «С. Сейфуллин атындағы Қазақ агротехникалық университеті» басқарма төрағасы (ректор).

Ақылбек Күрішбаев бесінші шақырылымдағы Астана қаласы мәслихатының депутаты болып сайланды. 

2016 ж. – алтыншы шақырылымдағы Астана қаласы мәслихатының депутаты болып сайланды.

Сондай-ақ, бюджет, экономика, өнеркәсіп және кәсіпкерлік жөніндегі тұрақты комиссияның мүшесі.

Ақылбек Күрішбаев «Нұр Отан» партиясының мүшесі.

Наградалары мен атақтары

2001 ж. – А.И.Бараев атындағы сыйлықтың лауреаты.

2006 ж. – «Қазақстанның еңбек сіңірген қайраткері».

2011 ж. –  «Қазақстан Республикасының тәуелсіздігіне 20 жыл» мерейтойлық медалі.

2012 ж. – «Құрмет» ордені.

2015 ж. – юбилейные медали: «Қазақстан халқы Ассамблеясына 20 жыл», «Қазақстан Конституциясына 20 жыл», «Қазақстан мәслихаттарына 20 жыл» мерейтойлық медальдары.

Цитаталары

«Біздің университеттің құрамына 3 ғылыми-зерттеу институттары (Бараев атындағы астық шаруашылығы ҒӨО, Қазақ орман шаруашылығы және агроорман мелиорациясы ғылыми-зерттеу институты, Нұр-Сұлтан қаласындағы қайта өңдеу және тамақ өнеркәсібі ҒЗИ) және Солтүстік Қазақстан институттары ауылшаруашылық тәжірибе станциясы кіреді. Тиісті шешімді Ауыл шаруашылығы министрлігі қабылдаған. Осылайша, әлемнің жетекші университеттері сияқты, зертхана-аудитория-өндіріс бір жүйеге интеграцияланатын аграрлық ғылым және кадрлар даярлаудың заманауи моделіне көшеміз. Ол үшін шетелдік серіктестермен, әлемдегі жетекші аграрлық университеттер UC Davis (АҚШ), AgroParisTech (Франция) бірлесіп алдағы 5 жылға арналған ҚАТУ Даму бағдарламасын әзірледік.» (2020 ж. мамыр)

«Зерттеу университеті фермерлерге арналған Білім (ауыл шаруашылығы мамандарын қайта даярлау) орталығына айналады.» (2020 ж. мамыр)

Отбасы

Ақылбек Күрішбаев үйленген, екі баласы бар.