Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
ETS-те бидай сатуда үш мәміле жасалды
17 июля 2020
Еуразиялық сауда биржасында көп күнгі тыныштықтан кейін, 16 шілде күні астық сатуда бірден үш келісім жасалды.
Бұл күні сатушылар да астық сатып алушылар да белсенді болды. Саудаға тоғыз лот шығарылды, оның үшеуі- 3-ші сұрыпты бидай және 6 лот 4-ші сұрыпты бидай болды.
3-ші сұрыпты сапалы бидай сату бойынша ең үлкен келісім жасалды (бидай желімтегінің мөлшері 28%-дан төмен емес), ол ҚХР-ға Алашанькоу бекетіне жіберілді. Бір тонна бидайдың бағасы 99 917 теңге (ҚҚС-ты есептемегенде) болды. Жалпы мөлшері – 45,2 мың тоннаны құрады. Осылайша астық сатып алушы 4 млрд 516 млн 248 мың 400 теңге төледі.
Одан кейін 4-ші сұрыпты бидайдан екі лот сатылды.
Бірінші мәміле бойынша, бидайдың бір тоннасы 87 мың теңге болды (ҚҚС-ты есептегенде), көлемі 980 тонна болып, жалпы бағасы 85 млн 260 мың теңгені құрады.
Екінші мәміле бойынша, астықтың бір тоннасы 102 885 теңге (ҚҚС-ты есептемегенде) болды, ал жалпы көлемі 2980 тоннаны құрап, 306 млн 597 мың теңге болды.
