Қазақстандағы бидай бағасы тұрақтылықты көрсетеді

Фото көзі: ElDala.kz

Өткен аптада Қазақстанда дәнді дақылдардың бағасы нығая түсті. Өсім hi-pro бидайынан басқа барлық дерлік сегменттерде байқалады. Бұл ретте ішкі нарық пен экспорттық бағалар арасында соңғы аптада өзгермеген диспаритет сақталуда. Бұл туралы Қазақстанның Астық одағының талдау департаментінің басшысы Евгений Карабанов өзінің Telegram-арнасында хабарлады.

Сарапшы атап өткендей, ішкі бағаның өсуіне «Еуразиялық сауда жүйесі» (ETS) биржасында Азық-түлік корпорациясы тарапынан бидайды белсенді сату ықпал етеді. Күнделікті сату көлемі 10-20 мың тоннаны құрайды, ал 25 сәуірде рекордтық мөлшері - 3 және 4 сыныпты 55 мың тоннадан астам бидай сатылды. Мәмілелердің бағасы келесідей болды (ҚҚС-пен, EXW шарттарымен - желілік элеватор):

• 3-сыныпты бидай (желімшесі 23) – тоннасына 90 мың теңге;
• 3-сыныпты бидай (желімшесі 25) – тоннасына 95 мың теңге;
• 3-сыныпты бидай (желімшесі 27) – тоннасына 130 мың теңге;
• 4-сыныпты бидай – тоннасына 85 мың теңге.

Сондай-ақ, Евгений Карабанов Орталық Азия елдерінен сатып алушылардың белсенділігі төмен болып қалғанын, ал Әзірбайжанға жөнелтілімдер біртіндеп төмендей бастағанын хабарлады.

1 мамырдан бастап ҚТЖ компаниясы магистральдық ТЖ желісі қызметтерінің бағасының 35%-ға өскенін жариялады, нәтижесінде Орталық Азия елдеріне қарай тасымалдау тарифі тоннасына 2,5-3 долларға өседі. Ал 19 мамырдан бастап локомотивтік тарту қызметтерінің бағасын айтарлықтай арттыру мәселесі қаралуда. Бұл факторлар бидайдың ішкі нарықтағы бағасына әсер етеді.

Қазақстанның Астық одағының талдау комитетінің деректері бойынша 21-27 сәуір аралығында EXW (элеватор) шарттарында бағалар 12% ҚҚС-пен келесідей қалыптасты (тоннасына/мың теңге):

• 3-сыныпты бидай (желімшесі - 23-24%) – 88-91
• 3-сыныпты бидай (желімшесі - 25-26%) – 92-95;
• 3-сыныпты бидай (желімшесі - 27%) – 108-112;
• 3-сыныпты бидай (желімшесі - 28-29%) – 120-125;
• 3-сыныпты бидай (желімшесі - 30+) – 130-135;
• 4-сыныпты бидай – 82-86;
• 5-сыныпты бидай – 80-83;
• жемдік арпа – 85-89;
• зығыр – 275-285.

ҚР Ұлттық банкінің бағамы 515,03 теңге/$, 6,24 теңге/₽.

Экспорттық бағалар, $/тонна:

• 3-сыныпты бидай (желімшесі - 23-24 %) - 210-215 DAP Сарыағаш;
• 3-сыныпты бидай (желімшесі - 25-26%) - 215-220 DAP Сарыағаш;
• 3-сыныпты бидай (желімшесі - 27%) - 255-260 DAP Сарыағаш;
• 3-сыныпты бидай (желімшесі - 28-29%) - 280-285 DAP Сарыағаш;
• 3-сыныпты бидай (желімшесі - 30+) - 305-310;
• 4-сыныпты бидай - 203 - 208 DAP Сарыағаш;
• 5-сыныпты бидай - 197-202 DAP Сарыағаш;
• зығыр - 535-545  $/т FCA - жөнелту станциясы;
• арпа - 208-212  $/т - DAP Сарыағаш;
• арпа - 232-237 $/т FOB - Ақтау;
• арпа - 215-218  $/т FOB Достық / Алтынкөл;
• қазақстандық ұн (Атта - ауған тартылған ұн) - 240-245 DAP Сарыағаш;
• 1 сұрыпты ұн - 295 - 300 DAP Сарыағаш;

жоғары сұрыпты ұн - 390-395 DAP Сарыағаш.