Сарапшылар ҚТЖ тарифтерінің көтерілуіне байланысты Қазақстанда сұр астық импорты өседі деп қауіптенуде

Ресейлік астықты Қазақстаннан Орта Азияға тасымалдау үшін ҚТЖ ұлттық компаниясы тарифінің көтерілуі Ресейден сұр импортты дамытуға ықпал етеді. Бұл туралы бүгін «Астық, майлы дақылдар, бұршақ дақылдары: 2019/20 маусымының қорытындылары және 2020/21 маусымының перспективалары» конференциясында айтылды, деп хабарлады «ВКЗ-Агро» ЖШС бас директоры Александр Малов. Оның осы мәселе бойынша арнайы кездесу ұйымдастыру туралы ұсынысын Қазақстан астық одағы мен «Атамекен» АЭС өкілдері қолдады.

«Бүгінгі күннің өткір мәселелерінің бірі - ҚТЖ-ның импортталған ресейлік астықты Қазақстаннан Орталық Азияға тасымалдау тарифтерінің құнын көтеру саясаты, бұл тек сұр импортты дамытуға ықпал етеді. Сұр дилерлердің артықшылығы – кемшіліктерді, олқылықтарды тауып, астықты тасымалдау, жалған құжаттар жасау және салық салудан жалтару. Олардың шығындары мен ресми импорттаушылар арасындағы айырмашылықты есептеу мүмкін емес! Сондықтан біз қазір ҚТЖ жүргізіп отырған саясатпен толықтай келіспейміз», - деді Александр Малов.

Осы мәселеге байланысты ол конференцияны ұйымдастырушы - Қазақстанның астық одағына, сондай-ақ «Атамекен» палатасына транзиттік жүктерге қосымша шарттар енгізілген тарифтер бойынша ҚТЖ өкілдерімен кездесу ұйымдастыруды өтініп ұсыныс айтты.

«Егер астықты Қазақстанға импорттайтын болсаңыз, барлық салықтарды төлесеңіз, онда сіз бұл өнімді қажет жерге ішкі нарыққа сатасыз немесе экспорттйсыз. Бірақ бүгінде жағдай басқаша, егер сіз осы өнімді экспорттағыңыз келсе, онда ҚТЖ сізге екі есе тариф төлетеді. Бұл саясат сұр экспорттаушылардың қызығушылығын арттырады, жағдай жасайды және шекара арқылы КамАЗ жүк көлігімен астық тасымалдайтындардың бәсекелестігіне әкеледі. Біз, импорттаушылар мен экспорттаушылар, мұндай жағдайда ешқандай экономикалық пайда болмайтындығын айтамыз, өйткені коммерциялық емес екі еселенген тариф бүкіл сауданы жоқ қылады », - деп түсіндірді «ВКЗ-Агро»бас атқарушы директоры.

Конференцияға қатысқан «Атамекен» ұлттық палатасының өкілдері бұл мәселе ескерілгенін және пысықталатындығын хабарлады.

Ұсынысты конференцияның тағы бір қатысушысы Ерболат Кармамбаев қолдады. Оның пікірінше, мұндай тарифтік саясат жалпы алғанда Қазақстанның азық-түлік хабы немесе транзиттік аумақ ретінде дамуына әсер етуі мүмкін.

Бұл сала өте үлкен, Қазақстанда астық тиеу саласын дамытуға мүмкіндік беретіндігін баса айтты. Оның үстіне, нашар өнім болған жағдайда немесе басқа себептермен шикізат тапшылығы жағдайында Ресейден Орта Азия мен Ауғанстанға астық өнімдерінің транзитін дамыту мүмкіндігін қолдану керектігін айтты.

«ҚТЖ-ның бастамасымен жасалап отырған  бұл тариф қандай мақсаттар үшін туындап отырғаны белгісіз. Астық одағының талабы бойынша ФАО транзитті дамыту мақсатында шекаралас облыстардан өнімді әкелу кезінде төленетін осы импорттық баж салығын алып тастау мүмкіндігі туралы ұсынысты айтуда. Мысалы, мұны шекарааралық сауданың дамуы үшін де, транзитпен де, жұмыс орындарының болуы үшін де, сауда-саттық болуы үшін де жасауға болады», - деп түйіндеді сөзін ол.