Фермерлер 2020 жылы мемлекет қолдауымен 100 мың бас ірі қара мал және 300 мың бас ұсақ мал сатып алады

Биыл Қазақстан 100 мың бас ірі қара мал және 300 мың бас ұсақ мал сатып алу үшін қаржы бөлуді жоспарлап отыр. Бұл туралы есеп беру кездесуі кезінде ҚР Ауыл шаруашылығы министрі Сапархан Омаров мәлімдеді.

«Сондай-ақ, тағам импортын алмастыру мақсатында 46 мың тонна сүт және 30 мың тонна құс етін өндіру бойынша жобаларды іске асыру жоспарлануда», - деді Ауыл шаруашылығы министрі Сапархан Омаров халықпен кездесуде.

Ауыл шаруашылығы министрлігінің жоспарына сәйкес биылғы жылы мал шаруашылығы өндірісі артатын болады: тірідей салмақтағы мал еті 1,9-дан 2,1 миллион тоннаға (7%), сүт 5,8-ден 5,9 миллион тоннаға дейін (2%); жұмыртқа 5,5-тен 5,6 млрд. данаға дейін (1,6%) артық өндірілетін болады.

«Мұндай өнім алу үшін мал басын орташа есеппен  5%-ға өсіру арқылы қол жеткіземіз. Сонымен қатар, 2019 жылы дер кезінде істелген шаралар өсу динамикасына оң әсерін тигізеді, сондықтан  аталған өндірістерді іске қосу және кеңейту үшін жақсы бастама болды», - деді министр.

Министрліктің басшысы Сапархан Омаров биыл мал шаруашылығының дамуына жағдай жасау үшін тағы да қосымша шаралар қолданылатынын хабарлады. Қуаты 88 мың тонна құс етін өндіретін  8 құс фабрикасын іске қосу жоспарланған, бұл елге келетін импорттың үлесін 44% -дан 39% -ға дейін төмендетеді. 114 мың тонна шикі сүт өндіретін 25 индустриалды және 30 отбасылық сүт фермаларын салу жоспарлануда.

Биылғы жылы шағын фермерлік шаруашылықтарды  қаржыландыру және дамыту  қолға алынады. Фермерлерге ірі қара мал және ұсақ мал сатып алуға көмек көрсетіледі, осылайша ет кластері үшін шикізат базасын дамытуға мүмкіндіктер туады.

Ет өңдеу секторында жалпы қуаттылығы 45 мың тоннаны құрайтын 3 заманауи ет өңдейтін зауыт іске қосылады, деді Ауыл шаруашылығы министрлігінің басшысы.

«Субсидия және несие беру жолдарын жетілдірудің арқасында сүт және ет өңдеу  кәсіпорындарының жұмысы артады.

Аталған шараларды жүзеге асыру барысында  мал басының жалпы өнімін 2,6 трлн. теңгеге дейін өсуі қамтамасыз етіледі (ҚҚК 4,2%) », - деп сөзін түйіндеді С.Омаров.