Алматы облысында құны 700 миллион теңгелік итальяндық ірімшіктер өндірісі басталады

Қазақстандық «Ақсүт» ЖШС Алматы облысында итальяндық ірімшіктер шығаруды жоспарлап отыр. Бұл туралы KAZAKH INVEST ұлттық компаниясының баспасөз қызметі хабарлады.

Компания 1200 бас голландиялық голштейн-фризия ірі қара мал тұқымын өсіре отырып, жеке сүт фермасында ірімшік өндірісін ұйымдастырады. Кәсіпкерлердің айтуынша, ферма күн сайын 15 тоннаға дейін сүт өндіреді, ал кәсіпорын аталған жобамен айналысатын болса, өндірістің қуаттылығын 30 тоннаға дейін артады. Қазіргі уақытта компания жоғары сапалы сүт өндіріп, оны «Dannon» ЖШС зауытына сатады.

«Ғылыми институттармен бірлесе жұмыс істеу, жемшөп өндірісі, ветеринария және асыл тұқымды малды көбейтуге мүмкіндік береді. Сонымен қатар аталған саладағы өндірістік қалдықтарды өңдеу және жою бойынша перспективалық жобаларды жасай аламыз. Сондай-ақ бізге ірімшік өндірісі бойынша жаңа жобаны жүзеге асыруда шешім қабылдауға көмектесті», - деді «Ақсүт» ЖШС басшысы Елжас Сембай.

Баспасөз қызметі хабарлағандай, ірімшік өндірісі жоғары технологиялық итальяндық жабдықта жасалатын болады. Мамандардың айтуынша, бұл жабдықтарда тәулігіне 50 тоннаға дейін итальяндық жұмсақ және қатты ірімшіктерді шығаруға мүмкіндік бар, мысалы, Моцарелла, Азиаго, Рикотта, Качётта және Grana Padano Пармезан өндіруге болады.

Аталған сыр өндіру нысанын осы жылдың соңына дейін пайдалануға беру жоспарланған. Жобаның құны 700 миллион теңгені құрайды, зауытта қосымша 10 жұмыс орны ашылатын болады.

Инвестордың айтуынша, бұл жобаны іске асыру арқылы тұтастай өндіріс циклін қамтуға мүмкіндік туады. 2,500 мың га егістік алқапқа ауыл шаруашылық дақылдарын егу арқылы компания өзі жем-шөп жинаудан бастап,  жоғары технологиялық жабдықтармен ірімшік жасауға дейін өндірістік процестердің барлық циклын жүзеге асыратын болады, сондай-ақ сүт өндіру процесін автоматтандыруға және басқаруға  болады.