Петропавлда тестілік режимде сүт өңдейтін жаңа зауыт іске қосылды

Бүгін Петропавлда «Eurasian Milk» ЖШС зауытына әкелінген жаңа жабдық тестілік режимде іске қосылды. Бұл кәсіпорын 1928 жылы ашылған Петропавл сүт зауытының базасында құрылған. Жаңа өндірісте шығарылған өнімдерінің алғашқы партиясы сауда желілеріне 2020 жылдың желтоқсанында сатылымға шығарылады. Бұл туралы Eurasian Milk мекемесінен хабарлады.

Зауытты жаңарту үшін $12 млн қаражат салынды, оның 70% - Eurasian Foods Corporation холдингінің өз ресурстары. Техникалық жабдықтау деңгейі бойынша Eurasian Milk елдегі ең заманауи сүт өндірістерінің біріне айналады. Зауытта бірнеше желі орнатылған: сүт қабылдау және өңдеу бойынша Германия жабдықтары, сары май өндіру бойынша Швейцария желісі, ірімшік өндіру бойынша Австриялық желі және «моцарелла»типті ірімшік шығару үшін арнайы Итальяндық желі орнатылған.

 Компания мұндай құралдары бар Қазақстандағы алғашқы және жалғыз зауыт екенін атап өтті.

Eurasian Milk зауыты іске қосылғаннан кейін жылына 50 мың тонна сүт шығаратын болады, дайын өнім өндіру көлемі жылына 14,5 мың тоннаны құрайды, оның 3,5 мың тоннасы ірімшік түрінде болады. Кәсіпорын сары май, қаймақ, ірімшіктің әр түрін, оның ішінде «моцарелла» түріндегі ірімшіктерді шығаруға бағдарланатын болады. Өндірістік қуаты артқан кезде сүт өңдеу көлемі жылына 110 мың тоннаны құрайды, деп хабарлады компаниядан.

Тақырыпқа байланысты оқу: Қазақстандағы  2019 жылғы сүт өндіретін ірі ТОП-69 компания

Штатта 150 адам жұмыс істейді, оны кеңейту жоспарлануда.

«Кәсіпорынды қайта жабдықтау бойынша жұмыстар тез арада жүргізілді. Жобалау сәтінен бастап бір жылдан астам уақыт өтті. Бүгін жабдықты тесттен өткізу үшін іске қостық, алдағы айда жаңа зауытты пайдалануға беру жоспарлануда. Күрделі сүт өнімдерін жасауды игеруге, ассортимент желісін құруға және өңдеуге уақыт қажет болады, бірақ біз технологтарды - Австрия, Швейцария, Балтық елдерінің «сүт өнімдерін шығаратын» елдерден халықаралық сарапшыларды шақырдық. Біз жұмысымызды және рецептілерді жақсарту үшін жұмыс істейтін боламыз және СҚО өнімдері тек Қазақстанда ғана емес шетелде де танылады деген үміттеміз», - деп мәлімдеді «Eurasian Milk»  ЖШС-ның Бас директоры Андрей Гриценко.

Сондай-ақ, компания ұзақ мерзімге фермерлік өнімдерді сатып алу үшін жергілікті шаруашылықтармен ынтымақтасуды жоспарлап отыр. Кәсіпорындағы негізгі міндеттердің бірі-фермерлермен серіктестік қарым-қатынас орнату, олармен бірнеше жылға келісім-шарттар жасасу. Бұл ретте Eurasian Milk фермерлік шаруашылықтарды несиелендіруде кепілгер болуға, сондай-ақ қажет болған жағдайда фермерлерге қажетті жабдықты ұсынуға ниетті.

Тақырыпқа байланысты оқу: Атамекен сүт өнімдерін таңбалауды енгізбеуді ұсынады

Eurasian Foods Corporation Басқарма төрағасының орынбасары Иван Колесниковтың айтуынша, кәсіпорынның міндеті - шикізаттан бастап барлық өнімді жоғары сапалы етіп жасау және ең төменгі өзіндік құнды ұсыну. Бұл заманауи технологиялардың, тиімді ұйымдастырудың арқасында ғана жасалуы мүмкін.

«Қарапайым технологиясы бар шағын зауыттар, сондай-ақ заманауи жабдықтары, мал басы мен жемшөп базасы жоқ шағын фермалар, өкінішке орай, Беларуссия, Украина немесе Балтық жағалауы компанияларымен бәсекелесе алмайды. Өз кезегінде біздің өндіріс жылына кем дегенде 110 мың тонна сүт өңдеуге бағытталған. Біз сүт саласының бәсекеге қабілеттілігін арттыру үшін қолымыздан келгеннің барлығын жасауды жоспарлап отырмыз, фермерлермен ұзақ мерзімді байланыс орнатамыз, алайда олар экономикалық тұрғыдан ақталуы тиіс», - деп мәлімдеді Eurasian Foods Corporation Басқарма төрағасының орынбасары Иван Колесников.