Асыл Түлік генофондты Австриядан келген симменталь тұқымымен толықтырды

Республикалық «Асыл түлік» мал шаруашылығы орталығы (Ұлттық аграрлық ғылыми-білім беру орталығының еншілес кәсіпорны) қорын Австриядан әкелінген шетелдік селекция өндірушілердің асыл тұқымды бұқаларының ұрығымен толықтырады. Бұл туралы ҰАҒББО баспасөз қызметі хабарлады.

ҰАҒББО мәліметі бойынша, ағымдағы жылдың 5 мамырында «Асыл түлік» мал өсіру орталығына Австриядан  13-14 айлық симменталь тұқымды 5 бұқа әкелінді.

«Импортталған бұқалардың генетикалық әлеуеті жақсы. Бұқалардың шыққан тұқымдарының орташа өнімділігі анасы (А) - орташа сүттілігі бойынша сүттегі май мен ақуыз мөлшері 4,48% және 3,57% болып, 11 мың кг құрайды, әкесінің анасы (ӘА) - 10 100 кг - 4,33% - 3,27%, анасының анасы (АА) - 10 мың кг - 4,8% - сәйкесінше 3,71% », - деп хабарлады баспасөз қызметі.

Қазіргі кезде бұқалардың жай күйі жақсы, олар асыл тұқымды мал өсіру орталығындағы жағдайларға бейімделіп, карантиндік кезеңнен сәтті өтіп, ұрық алуға үйретілуде.

Орталықта ұрықты алу, орау, таңбалау және мұздату IMV Technologies (Франция) жабдықтары бойынша әлемдік технологиялар стандартына сәйкес жасалады.

Тақырыпқа байланысты оқу: Мақсұт Бақтыбаев: ет саласы тиімді екендігін көрсетуде

Мамандардың біліктілігі, асыл тұқымды мал өсіру орталығының жинақтаған тәжірибесі мен жабдықтары әр бұқадан жылына 15 мыңнан 25 мың дозаға дейін жоғары сапалы ұрық алуға немесе бес бұқадан жылына 120 мың алынған ұрықты мұздатуға мүмкіндік береді.

Қазақстанда, 2020 жылдың 1 шілдесіндегі статистикаға сәйкес, симменталь тұқымының 37 мыңнан астам аналық сиыр бар. Бұл малды қолдан ұрықтандыру үшін шамамен 92 мың доза ұрық қажет. Осылайша, өңірлердегі асыл тұқымды және дистрибьютерлік орталықтардың ұрықтандырушыларымен бірге «Асыл түлік» асыл тұқымды орталығы «Симменталь» асыл тұқымды мал қорының сапалы тұқымға деген қажеттілігін қамтамасыз ете алады.

ҰАҒББО сонымен қатар «Асыл Түлік» орталығының міндеті - симментал бұқаларынан сүтті жақсы өндіретін, тірі салмағы жақсы конституциясы берік сапалы ұрықты алу екенін атап өтті.

Жергілікті жердің климатына тез бейімделгіш қабілетінің арқасында симментальдар Қазақстанның барлық аймақтарында кең таралған. Сүттің сапасы  өндірістің орналасқан аймағына байланысты. Еттің өнімділігіне келетін болсақ, симментальды ірі қара малдың еті де жақсы болады. Бұл тұқымды өсіру мен бағып-күту қиын емес,  сондықтан осы сиырларды көпшілік сүт және ет өндірісінде қолдану үшін ұстайды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.