Қостанайда ет өндіретін кешен бірінші жарты жылдықта іске қосылады

Қостанайда қуаттылығы жылына 20 мың тонна өнім шығаратын BEEF EXPORT GROUP ет өңдеу кешені салынуда. Жоба барысы туралы облыс әкімі Архимед Мұхамбетов айтып берді.

Аталған жобаның құны 5,1 миллиард теңгені құрайды. Кешеннің құрылысын кәсіпкерлікті дамыту институт қолдады және «Қарапайым заттар экономикасы» бағдарламасы бойынша жүзеге асырылуда.

«Бұл жоба аймақтағы ет импортын азайтуға ықпал етеді, сондай-ақ шикізат шығаратын жергілікті шаруа қожалықтарын қолдауға бағытталған», - деп жазды құрылысты аралап көрген Архимед Мұхамбетов  Instagram бетінде.

Әкімнің хабарлауынша, бұл кешенге әкімшілік-тұрмыстық нысан, екі көлік жуу орны, санитарлық-тұрмыстық кешен, қажеттіліктеріне арналған шеберхана, өндіріс орны және қосалқы инфрақұрылым нысандары кіреді. Зауытта Еуропадан, атап айтқанда, Польшадан, Италиядан, сондай-ақ Ресейден әкелінген заманауи қондырғылар қойылған.

Зауытты ашқаннан кейін, кешен 180-нен астам адамды жұмыспен қамту жоспарланған.

Тақырыпқа байланысты оқу: Қазақстандық компания Жапонияға жылқы етінің алғашқы партиясын жеткізді

Қазіргі таңда нысандардың көпшілігінің құрылысы аяқталды, өндірістік аймақта құрылыс-монтаж жұмыстары жалғасуда.

«Жұмыс сапарының барысында мен жауапты органдарға осы жобаны ашуды, іске асыруды ойдағыдай аяқтау қажеттілігі туралы тапсырмалар айттым. Аталған нысан ағымдағы жылдың бірінші жартыжылдығында іске қосылады деп жоспарланып отыр», - деп сөзін қорытындылады облыс әкімі.

Естеріңізге сала кетейік, Қостанай облысының Солтүстік өндірістік аймағында ет комбинаты салынуда. Бұған дейін Индустрия және инфрақұрылымды дамыту министрлігі жобаны 2020 жылдың соңына дейін пайдалануға беру жоспарланып отыр деп хабарлаған болатын. Алайда, ведомство елдегі карантиндік шаралардың әсерінен өнеркәсіптің уақтылы салынуына, инвестицияны игеруге әсер еткенін атап өтті.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.