Қызылордалықтарға күріш алқаптарының орнына балық өсіру ұсынылды

Қызылорда облысында балық шаруашылығын дамыту бағдарламасы жасалды. Бұл жоба бойынша облыста балық өсіру көлемі 16 мың тоннаға жетуі тиіс. Бұл туралы Экология, геология және табиғи ресурстар министрлігінің баспасөз қызметі хабарлады.

Облыста қуаттылығы жылына 70 мың тонна болатын 11 балық өңдеу зауыты бар. Олардың өндірістік қуаты аймақтағы балық аулау саласының дамуына ықпал етеді және өндіріс көлемін біршама арттыруға мүмкіндік береді.

Балық шаруашылығын дамытудың республикалық бағдарламасына сәйкес, ҚР-да балық өсіру көлемін 270 мың тоннаға дейін ұлғайту жоспарланған, оның 16 мың тоннасы Қызылорда облысында болады.

Балық шаруашылығы комитетінің төрағасы Нариман Жүнісовтің айтуынша, алға қойылған мақсаттарға жету үшін облыста балық өсіруге қолайлы су қоймалары бар. Сонымен қатар, ол балық өсіруді аграрлық сектормен біріктіріп, күріш алқаптарын пайдалануды ұсынды.

«Қызылорда облысының табиғи-климаттық факторларын, Арал теңізінің аумағын, күріш алқаптарында балық өсіру мүмкіндігін ескере отырып, облыс жылына 25 мың тоннаға дейін балық өсіруге мүмкіндігі жетеді. Сондықтан біз жергілікті тұрғындарды балық өсірумен айналысуға шақырамыз. Ол үшін аймақтың теңізі де, тәжірибесі де бар. Аталған саланы мемлекеттік қолдау шаралары кеңейіп келеді. Біріншіден, кәсіптік балық аулаудың мерзімі 49 жылға белгіленген. Бұл бизнеске сенімді түрде инвестиция салуға және ұзақ мерзімді жоспарлар құруға мүмкіндік береді. Коммерциялық балық аулау үшін 5-пен 49 жылға дейінгі шарттар сақталды. Жалпы, кәсіптік балық аулау қазір тиімді болып келеді», - деді Комитет басшысы.

Тақырыпқа байланысты оқу: АШМ балық өсіруге берілетін субсидия мөлшерін анықтады

Сонымен қатар, Экология министрлігі балық қорын сақтап қалу мақсатында және оларды жасанды түрде көбейту үшін Қамшылыбаш балық өсіру зауытында жыл сайын 15 млн-ға дейін шабақ өсіріліп шығарылатынын, олар көлдер мен Кіші Арал теңізіне жіберілетіндігін атап өтті.

«Балық шаруашылығы бағдарламасын іске асыруға 29 млрд.теңге бөлінеді. Соған орай біз балық экспортын, тауарлы балық өндірісін екі есеге арттырып, 500-ден астам жаңа жұмыс орнын ашуды жоспарлап отырмыз. Нәтижесінде облыста 16 балық өсіру фермасы, 12 кәсіптік балық аулау фермасы ашылатын болады, 3 жабық сумен жабдықтау жүйесі іске қосылады, ал көлдер мен су қоймаларының саны 55-ке дейін жетеді», - деп хабарлады табиғи ресурстар және табиғатты пайдалануды басқару бөлімінің басшысы Бауыржан Шаменов.

Тақырыпқа байланысты оқу: Фермерлерге арналған алтын балық

Аймақта балықтарды өсіруге 6 млрд теңгеге 9 инвестициялық жобасын іске асыруды бастау жоспарлануда. Оның ішінде - қуаттылығы жылына 7 мың тонна болатын жалпы құны 900 млн теңгені құрайтын 3 жаңа балық өңдеу зауыты салынады.