Маңғыстауда мал азығын субсидиялауға 1,9 млрд теңге бөлінді
Ауыл шаруашылығы министрінің міндетін атқарушы Ербол Карашукеев Маңғыстау облысына барып, мал өсірушілермен, шаруа қожалықтарының басшыларымен және кәсіпкерлермен кездесті, сонымен қатар малдарды жем-шөппен қамтамасыз ету бойынша қабылданып жатқан шаралармен танысты. Сондай-ақ, ол Үкімет тарапынан құрғақшылыққа байланысты малшыларға қандай көмек көрсетілетінін айтты. Бұл туралы премьер-министрдің баспасөз қызметі хабарлады.
АШМ мәліметінше, 12 шілдедегі қаулы бойынша Үкімет резервінен ауыл шаруашылығы малдарының қыстан шығуы үшін азық құнын арзандатуға 1,9 млрд теңге бөлінді. Осыған байланысты жеке үй және шаруа қожалықтарының иелері қолдау алады.
Сондай-ақ, Азық-түлік корпорациясы арқылы Маңғыстау облысы үшін нарықтық бағадан 17% - ға төмен 637 тонна арпа сатылды. Оның ішінде 211 тонна үй шаруашылықтарына сатылды.Келесі аптада аймаққа 573 тонна арпа жеткізіледі.
Тақырыпқа байланысты оқу: Арзан бағамен арпа Маңғыстау және Қызылорда облыстарына жеткізіледі
Орман шаруашылығы, резерваттар аумақтарында мал жаю және шөп шабу мәселесі талқыланды.
Елден сыртқа азық шығаруға тыйым салу бойынша шаралар қабылданатын болады. Жемшөп дайындау үшін арзандатылған ЖЖМ -ді қайта бөлу мәселесі қосымша қарастырылуда.
«Азық-түлікпен қамтамасыз ету және жедел әрекет ету мәселелерін шешуді үйлестіру үшін АШМ жанынан Республикалық жедел штаб құрылды, оның құрамына облыстар мен аудандар әкімдерінің орынбасарлары, «Бәйтерек» холдингі мен Азық-түлік корпорациясының қаржыландырушы ұйымдарының басшылары енгізілді. Облыс әкімдіктері алдағы ауыл шаруашылығы малдарының қыстауына жем-шөп дайындау жоспарын айқындап, оларды орындау бойынша апта сайынғы мониторинг жұмыстарын ұйымдастырды», - деп хабарлады Ербол Қарашөкеев.
Тақырыпқа байланысты оқу: Тоқаев мал азығын сыртқа шығаруға тыйым салды
Аталған аймақтың ауыл шаруашылығын дамыту мәселелері жөніндегі кеңесте облыс әкімдіктеріне мал шаруашылығын дамытуды субсидиялау ережелеріне сәйкес жемшөпті форвардтық сатып алу және жемшөп құнын арзандату үшін жергілікті бюджеттен қосымша қаражат қарастырылады, сондай-ақ ірі мұнай және құрылыс компанияларының техникасын Батыс Қазақстан және Ақтөбе облыстарынан жемшөп жеткізуді ұйымдастыруды ұсынды.
Маңғыстау облысында мал шаруашылығын қолдау үшін фермерлердің кредиттер бойынша ағымдағы төлемдерін ұзарту мәселесі қаралады.
«Әкімдікпен бірлесіп жем-шөп өндірісін дамыту және жайылымдарды жақсарту бойынша тиісті шаралар қабылдайтын боламыз. Мұнда барлық иесіз құдықтар мен ұңғымаларды қалпына келтіру қажет, су бөгеттерін салып, ғалымдармен бірге құрғақ дақылдарды өсіру керек. Ең бастысы, қиын жағдай туындаған кезде уақтылы шешім қабылдау қажет, өйткені бұл жағдайдың алдын-алуға болады», - деп атап өтті Е.Қарашөкеев.
Сондай-ақ, ол ауыл шаруашылығы министрлігі мәселелерді талқылауға дайын екенін және аймақтардың ұсыныстарын Үкімет деңгейінде қарауға дайын екенін жеткізді.