АШМ Алматы облысында мал өлімі туралы ақпаратты растамады

Алматы облысының Балқаш ауданындағы Балатопар ауылында малдардың жаппай қырылып жатқандығы туралы ақпарат расталған жоқ. Ал аймақтағы мал азығы мәселесі тұрақты. Бұл туралы Ауыл шаруашылығы министрлігінің баспасөз қызметінен хабарлады.

БАҚ-та малдың жаппай қырылғаны туралы хабарлағаннан кейін 8 тамызда АШМ қызметкерлерінің жұмыс тобы Балатопар ауылдық округіне жіберілді, онда шаруа қожалықтарының иелерімен және тұрғындармен кездесу өткізілді.

«Кездесу барысында жергілікті тұрғындар малдың жаппай қырылғанын растамады, сондай-ақ жем-шөп тапшылығы туралы ақпаратты жоққа шығарды. Тұрғындардың айтуынша, қолда бар шабындық жерлер алдағы қыстауға ірі мал азығын дайындауға толық мүмкіндік береді. Бұдан басқа, қосымша Балатопар ауылынан 25-30 шақырым қашықтықта орналасқан Балқаш көлінің жағалауында жем-шөп дайындауға болады», - деп хабарлады баспасөз қызметі.

Тақырыпқа байланысты оқу: Климаттың өзгеруі Қазақстанның солтүстігі мен орталығындағы егістікке әсер етуде

Жалпы, ведомствоның мәлімдеуінше, Балатопар ауылдық округі мен Балқаш ауданында құрғақшылық белгілері байқалмайды. Сонымен қатар, шабындық жерлер Жамбыл және Іле аудандарының шаруаларына шөп жинау үшін бөлінеді, сондай-ақ Жамбыл облысының көршілес аудандарына беріледі.

БАҚ-та жарияланған малдың жаппай қырылуы туралы ақпарат шындыққа сәйкес келмейді және оған негіз жоқ, деп қорытындылады баспасөз қызметінен.