Депутаттар ветеринарлық препараттар мен ӨҚҚ әзірлеуді Денсаулық сақтау министрлігіне беруге қарсы

 Биология ғылымын одан әрi дамыту үшін жүргiзiлiп жатқан оңтайландыру аталған салаға қауiп төндіруi мүмкiн. Бұл туралы мәжіліс депутаттары Қазақстан Халық партиясы фракциясының биологиялық қауіпсіздік проблемалары ҒЗИ базасында «Қазбиофарм» өндірістік холдингін құруға қатысты сауалында мәлімдеді.

«Аталған жобаның негізгі мақсаты белгілі - елімізде тек ішкі нарықта сұранысқа ие ғана емес, бірінші кезекте COVID-19-ға қарсы жоғары экспорттық әлеуеті бар өнім шығаратын жоғары технологиялық және ғылымды қажет ететін өндіріс құру. Алайда, жобаны жүзеге асыру тәсілі күмән тудырады. Үкіметтің тұжырымдамасы мен қаулысын дайындау Денсаулық сақтау министрлігіне жүктелді, неліктен бұлай болғандығы таң қалдырады», - деді депутат Ирина Смирнова.

Ол Денсаулық сақтау министрлігі дәрі-дәрмектер мен вакциналар өндірісімен ешқашан айналыспағанын атап өтті. Ветеринарлық препараттарды әзірлеу туралы мәселе елде ерекше назарда тұр.

«Бұған дейін биологиялық қауіпсіздік проблемалары ҒЗИ қызметінің негізі ветеринариялық мақсаттағы вакциналар мен өсімдіктер ауруларымен күресуге арналған құралдарды әзірлеу және өндіру болатын. Сондықтан бұл бағыттардың болашағы туралы мәселе алаңдатады. Денсаулық сақтау министрлігі оларды қалай және не үшін қолдайды? Егер олар оңтайландырылса, биология ғылымының тұтас бағыты мен елдің биологиялық қауіпсіздігіне қауіп төнеді! Естеріңізге сала кетейік, еліміздің аумағы оба, сібір жарасы, бруцеллёз, құтыру, геморрагиялық қызба, жануарлар шешегі және т.б. көптеген зооноздық инфекциялардың ошағы болып табылады», - деп атап өтті Ирина Смирнова.

Тақырыпқа байланысты оқуЖамбыл облысында ауыл шаруашылығы малдарына арналған вакцина шығарылатын болады

Ол Биологиялық қауіпсіздік проблемалары институты мемлекеттік сатып алудың ерекше тәртібіне мұқтаж екендігін айтты. Мысалы, өткізілетін тендерлер арқылы бір айдан кейін  емес, тез арада қажетті тапшы препараттар мен реактивтер сатып алынуы қажет.  Бұл жерде жетекші ғалымдардың еңбекақысы басқаша болуы тиіс, мұнда жас кадрларды қабылдау мәселесін шешу керек.

«Бұл мекемеге «Болашақ» бағдарламасының бірде-бір түлегі осындай ғылым ордасына келіп, мемлекеттік мекемеде жұмыс істеген жоқ. Институтта зертханалық және қосалқы корпустар әбден тозған, автопарк ескірген. Биопрепараттарды тасымалдауға арналған арнайы рефрежираторлар жоқ. Зерттеу жүргізу үшін аналық мал басы жоқ», - деп баса айтты депутат.

Депутаттардың пікірінше, басталған ғылыми реформа белгісіз холдингтерді құру арқылы жойылуы мүмкін.

Тақырыпқа байланысты оқуҚазақстанда ветеринар мамандар жетіспеуде

«Бірнеше табысты ғылыми орталықтарды бір ғылыми «құрылымға» біріктіру ғылыми қызметкерлерді ұстауға арналған бюджеттік шығындарды төмендетуі мүмкін, бірақ қазақстандық ғылымның тұтастығы мен даму әлеуетіне, сондай-ақ ғылымдағы саласына қатты соққы боладыі», - деді депутат.

Осыған байланысты Қазақстан Халық партиясы «Қазбиофарм» холдингін ұсынардан бұрын аталып отырған мәселені шешуді ұсынады. Бұл мәселені сарапшыларды, жауапты ведомстволарды, мүдделі институттарды, жұртшылықты қатыстыра отырып, ғылыми қоғамдастықпен ашық түрде талқылау қажет.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.