Арнайы комиссия Шығыс Қазақстанда малдың не себепті қырылып жатқандығын анықтауда

Шығыс Қазақстан облысының Көктал ауылдық округінде 20 сәуірден бастап аталған облыстың аймақтық  ветеринариялық инспекция және ветеринария басқармасының басшылары бар арнайы ветеринариялық комиссия өңірдегі жаппай мал қырылуын анықтау үшін жұмыс істеуде. Бұл туралы Қазақстан Ауыл шаруашылығы министрлігінің баспасөз қызметі хабарлады.

Бұған дейін, 17 және 20 сәуір аралығында ауылдық округте арнайы сынамалар алынып, Үржар аудандық ветеринариялық зертханаға және Республикалық ветеринариялық зертхананың Семей өңірлік филиалына жіберілді. Преципитация (РП), микроскопия және бактериология реакциясы бойынша теріс нәтижелер көрсетілген едіі.

Сонымен бірге, зерттеулер жалғасуда, үш күннен кейін био-сынаманың қорытындысы аяқталады, бұл диагноз қоюға мүмкіндік береді. Әзірше комиссия аймақтағы эпизоотиялық жағдайды бақылауда ұстап отыр

«Айта кетсек,  мал қырылған Көктал ауылдық округі Үржар ауданының таулы аймағында орналасқан. Аталған ауылдық округте 3 мыңға жуық ірі қара, 3,6 мың ұсақ мал және 629 жылқы бар. Ветеринариялық іс-шаралар жоспарға сәйкес 2019 жылдың күзінде және 2020 жылдың басында округтегі малдардың көп бөлігіне қауіпті ауруларға қарсы дәрілер егілген. Атап айтқанда, аусылға қарсы 3 235 бас ірі қара және 2 мың ұсақ мал, сібір жарасына қарсы 2 мыңнан астам ірі қара және 650 бас ұсақ мал, эмкарға қарсы 1,3 мың бас ірі қара малға екпе салынды», — деп мәлімдеді Ауыл шаруашылығы министрлігі.

Естеріңізге салсақ, осы аптада Шығыс Қазақстан облысындағы белгісіз аурудан ірі қара малы қырылып жатыр деген хабар тараған болатын.

Қазіргі уақытта жеке үйлердің қораларындағы және төрт шаруашылықтағы  253 бас мал өлімі тіркелді.

Аймақта болған жағдайға байланысты ШҚО әкімі Даниал Ахметов ауыл тұрғандарына өз ойын айтты, ол ауылдықтардың шығыны өтелетінін хабарлады. «Елдегі төтенше жағдайды ескере отырып, зерттеу нәтижелеріне қарамастан тиісті көмек көрсетіледі. Мал  шығыны өтеледі», — деп жазды аймақ басшысы Instagram-да.

Әкімдіктің шешімі бойынша жақын арада ірі қара мал басына — 260  мың теңге, ал  2019 жылы туылған бір жастағы мал үшін — 150 мың теңге, жас төлге — 50 мың теңге төленеді.