Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Ресейдің қой еті Сауд Арабия нарығына шықты – № 22 АгроДайджест
Ресейдің қой еті Сауд Арабиясына барады
Ресейдің қой етін өндіретін бес кәсіпорны өз өнімдерін Сауд Арабиясына экспорттау құқығына қол жеткізді.
Бұлар «Брянская мясная компания» («Мираторг» агроөнеркәсіптік холдингінің құрамына кіреді), «Агрохолдинг «Агрохом» ЖШҚ (Дағыстан Республикасы), «Кавказ-Мясо» ЖШҚ (Карачай-Черкес Республикасы), сонымен қатар Ставрополь өлкесінің екі жеке кәсіпкері.
Ұлттық ет қауымдастығының мәліметтері бойынша, қой етінің үлесі Ресейдің барлық ет нарығының орташа есеппен 2% құрайды. Соған қарамастан сарапшылар ресейлік қой етінің экспорттық әлеуетін жоғары бағалайды.
Тақырып бойынша: «Неліктен қазақстандық қойларға шетелдік қошқарлар керек» оқыңыз.
Ресей өндірушілерінің Таяу Шығыс нарығын жаулауын одан әрі жалғастыруда екенін айта кеткен дұрыс. Маусым айында бес ресейлік компания өз өнімдерін Сауд Арабиясына экспорттау құқықтарын алды: бірі балмұздақ, екіншісі балық өнімдерін шығаратын және тағы үшеуі бал өңдеумен айналысатын компания.
Еске сала кетсек, 2020 жылдың сәуірінде Сауд Арабиясына Ресей астығының алдыңғы партиясы жөнелтілді. Биылғы жылы елге құс еті мен жұмыртқа жеткізуге рұқсат етілді.
Оңтүстік Америка Европаға сиыр етін үйіп-төкпекші
ЕС-МЕРКОСУР сауда келісіміне сәйкес Оңтүстік Америкадан ЕО-ға сиыр етінің импорты 64% -ға артуы мүмкін.
Лондон экономика мектебі (LSE) екі бөлек сценарий негізінде бағалау жүргізді: «консервативті» сценарий (мысалы, МЕРКОСУР-ға мүше мемлекеттердің ет өнімдеріне ЕО тарифтерін 15% төмендету); және «өршіл» сценарий (мысалы, МЕРКОСУР ет өнімдеріне ЕО тарифтерін 30% төмендету).
Тақырып бойынша: «Фермаларда дайындалған ет туралы қауіпті мифтер» оқыңыз.
Консервативті сценарий бойынша келісім МЕРКОСУР-ға кіретін Бразилия, Аргентина, Парагвай және Уругвай елдерінен ЕО-ға сиыр еті импортының 30 пайыздық өсуіне (қазіргі деңгеймен салыстырғанда 60 000 тоннаға) әкеледі. Өршіл сценарий бойынша өсім 64%-ды (128 000 тонна) құрайды.
Есепте еркін сауда туралы келісімнің әсері «бірінші кезекте нарықтың сыйлықақы сегментіне қысым көрсетуі мүмкін» деп баса айтылған.
Жапон шошқалары алкоголь қалдықтарымен азықтандырылуда
Жапон ғалымдарының тобы шошқа азығының құрамына сетю өткір, күшті алкоголь өндірісінің қалдықтарын енгізу жобасын іске асырды.
Тәжірибе жасалатын база Жапонияның батысындағы Косю аралында орналасқан. Арал күріштен комэ-сётю, бататтан имо-дзётю, қант құрағынан кокуто-сётю, арпадан муги-сётю, құрақұмықтан соба-сётю және күнжіттен гома-сётю тәрізді алкоголь сусындарын (25-тен 45 пайызға дейін алкогольді) шығарумен әйгілі.
Крахмалға бай өндіріс қалдықтарын қоршаған ортаға зиян келтірместен кәдеге жарату қиын. Ал Токио университетінің биологтары оларды шошқа азығына қоспа ретінде пайдалану идеясын ұсынған болатын.
Косю аралы – фермалар тығыз орналасқан шошқа шаруашылығының тарихи орталығы. Сол фермалардың бірінде сетю қалдықтары алты торайдың азығына үш ай бойы қосылды. Эксперимент барысында тәжірибелік жануарлардың сілекейіндегі кортизол деңгейі стресстің төмендегенін білдіретіні анықталды. Сонымен қатар, зерттеушілер жаңа жиналған арпамен азықтандырылған шошқаларға қарағанда жалпы жағдайларының жақсарғанын атап өтті.
Тақырып бойынша: «Шошқа өсіру үшін субсидия алуға жыл бойы бір ғана шаруашылық өтініш білдірген» оқыңыз.
Кейіннен анықталғаны, тәжірибелік топтағы шошқа етінің дәмі бұрынғыдай азықтандырылған шошқа етіне қарағанда анағұрлым дәмді, сөлді болып келеді. Жобаға қатысушылар азық қоспасының малдың күйіне және шошқа етінің сапасына жағымды әсер етеді деген қорытындыға келді.
Rabobank әлемдік құс шаруашылығының өсуін күтуде
Rabobank зерттеулері жылдың бірінші жартысында басына түскен дауылдан кейін саланың біртіңдеп жақсарып келе жатқанын және мұның қоғамдық тамақтану секторы тарапынан сұраныстың өсуіне байланысты болғанын нақтылап отыр.
Rabobank - Animal Protein аға талдаушысы Нэн-Дирк Малдер: «Құбылмалылық сұраныс пен ұсыныс теңгеріміне, сондай-ақ айырбас бағамының тұрақсыздығына байланысты тұрақты түйткілдер әсерінен шиеленісуі мүмкін. Екінші жағынан, жем-шөп бағасының салыстырмалы ірі болжамы өндірушілерге өз бизнесінің шығындары тұрғысынан біршама жеңілдікті қамтамасыз етеді».
Тақырып бойынша: «АШМ: құс фабрикасының мәселесі туралы айтқандар 5 млрд теңге субсидия алды» оқыңыз.
Rabobank 2020 жылдың бірінші жартысындағы төмендеуінен кейін құс бағасы 2020 жылдың екінші жартысында қалпына келеді деп күтеді. Әсіресе бұл дамушы елдерде, мысалы, Пәкістан, Иран, Банладеш, Перу және бағалары тарихи құлдырауға ұшыраған бірнеше Африка елдерінде байқалады. Жергілікті өндірушілер қоғамдық тамақтандыру секторын жаңартудан ұтпақшы, өйткені бұл нарықтарда тарату дәстүрлі өткізу арналарына қатты тәуелді.
Иран ауыл шаруашылық өнімдерін аумақтан тыс өсіруге дайын
Иран Президенті Хасан Рухани ауыл шаруашылық өнімдерін аумақтан тыс өсіру жобаларына шақырды.
Иран Президенті Иран көрші елдерде немесе тіпті басқа континенттердегі елдерде ауылшаруашылық дақылдарын өңдеу және өнімді елге қайтару үшін ауылшаруашылық жерлерін жалға немесе сатып ала алатынын қосты.
Хасан Рухани өз әкімшілігінің бірқатар елдерде өсіру бойынша аумақтан тыс жобаларды жүзеге асыруға кіріскенін және осы бағдарламаны жүзеге асыруды жалғастыратындарын айтты.
Тақырып бойынша: «Қазақстан теріс пиғылды жер пайдаланушылар ТОП-12» оқыңыз.
Сонымен қатар, ол өз әкімшілігінің бүкіл ел бойынша соңғы жеті жылдағы ауылшаруашылық өндірісін 97 миллион тоннадан 130 миллион тоннаға дейін арттырудағы жетістіктеріне тоқталып, суды пайдалану тиімділігінің 45 пайызға дейін артқанын атап өтті.
Германияның ірі ет комбинаты жұмысын жалғастырды
Маусым айының ортасында өндірісте COVID-19 өршуіне байланысты уақытша тоқтатылған Реда-Виденбрюк қаласындағы Tönnies ет комбинаты біртіңдеп жұмысын қалпына келтіруде. Бұл қызметкерлердің денсаулығын қорғаудың жаңа бағдарламасын бекіткеннен кейін мүмкін болды.
Коронавирус сынағы оң нәтиже берген кәсіпорын жұмысшыларының жалпы саны 1500 жетті. Гютерсло аймағында және 600 мың тұрғыны бар комбинат маңайында карантиндік шектеулер енгізілді.
Қасапханалар мен ет өңдеу цехтары 17 шілдеден бастап сынақтама режимінде іске қосылды. Муниципалитеттің деректеріне сәйкес, санитарлық-гигиеналық режим қатаң сақталған жағдайда комбинаттың 2714 қызметкеріне жұмыс орындарына рұқсат берілді.
Тақырып бойынша: «Tyson Foods американдық компаниясы Алматы облысында ет өңдейтін зауыт салады» оқыңыз.
Кәсіпорында қайта өршудің алдын алу үшін желдету жүйелері қайта жаңартылып, жұмысшылар арасында қауіпсіз қашықтықты сақтау үшін қорғаныс экрандары орнатылды. Барлық қызметкерлер қорғаныс маскаларын тағып, қолғап киюі және аптасына екі рет коронавирусқа сынақтамадан өтуге міндетті.
