Қытай ресейлік етті ірі сатып алушыға айналды – № 23 АгроДайджест

Ресей Қытайға 1,9 млрд долларға ауыл шаруашылық өнімдерін экспорттады

Ресейлік еттің қытай нарығына енуі осы өнімді сатып алушылардың жалпы құрылымын өзгертті. Қытай ресейлік құс өсірушілер үшін ірі экспорттық нарыққа айналды.

2020 жылдың алғашқы жарты жылында Ресей ет экспортын 2,2 есе арттырды. Қаңтар-маусымда Ресей Федерациясының кәсіпорындары ет пен ет өнімдерін шетелге 336 миллион долларға жеткізді, ал бір жыл бұрын жеткізілім 149 миллион долларды құрады. Құс етінің экспорты 2,5 есеге, 193 миллион долларға, шошқа еті 4 есеге, 85 миллион долларға, сиыр еті 3 есеге артып, 16 миллион долларға жетті.

Ресейдің сырт елдерге жеткізетін етінің жартысы Қытайға әкелінді. Жеткізілім көлемінің артуы ресейлік шенеуніктердің ет өндірушілері үшін Қытай нарығын ашу жөніндегі ұзақ және қажырлы еңбегінің нәтижесі. 2020 жылдың қаңтарында ресейлік өндірушілер құс етін ғана емес, сонымен бірге салқындатылған сиыр етін Қытайға экспорттау құқығын алды. Шошқа етін өндірушілерге елді ашу туралы келіссөздер жүргізілуде.

Тақырып бойынша оқыңыз: Қазақстанда Қытайға азық-түлік өнімдерін экспорттаудың жаңа жолдары қарастырылуда

Сертификатталған кәсіпорындар тізімі біртіңдеп кеңейе түсті. Егер 2019 жылдың басында Қытай Ресейдің 23 кәсіпорнынан құс етін жеткізу мүмкіндігін ресми түрде растаса, содан бері олардың саны екі есе өсті. Қазіргі сәтте құс етін өңдеумен айналысатын шамамен 40 кәсіпорын өз өнімдерін Қытайға экспорттай алады.

Биыл Ресей Қытайға 150-200 мың тонна құс етін және ет өнімдерін жеткізе алады.

2020 жылдың сәуірінде сиыр еті Қытайға да жеткізіле бастады – алғашқы 200 тоннаны ірі ресейлік ет өндіруші Мираторг жіберді.

Жалпы, Қытай ресейлік ауылшаруашылық өнімдерінің негізгі сатып алушысы болып табылады: бірінші жартыжылдықта Ресей оған 1,9 миллиард долларға ауыл шаруашылық өнімдерін экспорттады. 

Зимбабве ақсүйек фермерлеріне тартып алынған фермалары үшін ақы төлемекші

Зимбабве Үкіметі және Коммерциялық фермерлер одағы осыдан 20 жыл бұрын тәркіленген шаруашылықтар үшін ақсүйек фермерлерге 3,5 миллиард доллар көлемінде өтемақы төлеу туралы келісімге қол қойды.

Құжатқа Зимбабве Қаржы және экономикалық жоспарлау министрі Мтули Нкубе қол қойды. Сонымен бірге, ол өтемақы тек фермерлерден тәркіленген, бірақ жер үшін емес, тек активтер, жабдықтар үшін ғана төленетінін баса айтты.

Зимбабве үкіметі 2000 жылы сол кездегі президентді Роберт Мугабенің бастамасымен жер реформасын жүргізіп, негізінен ақсүйек фермерлерден 4,5 мыңға жуық шаруашылықты тәркілеген болатын. Билік олардан шамамен 8 миллион гектарға жуық жерді алып қойды, бұл бүкіл ел аумағының бестен бір бөлігі.

Тақырып бойынша: Қазақстандағы теріс пиғылды жер пайдаланушылар ТОП-35

Реформа отарлық мұрамен күресу ұранымен өтті, сондай-ақ қара нәсілді фермерлерге жер бөлу мақсаты жарияланды. Бұл әрекеттердің салдары ең өткір аграрлық дағдарыс болды. Егер 2001 жылы ауыл шаруашылық өнімдерін сатуға байланысты Зимбабвенің сыртқы сауда теңгерімі профициті 322 млн долларды құраса, 2002 жылы ол 18 миллион доллар тапшылығын тіркеді құрады. Кейінгі жылдары ол тек өсіп, Африканың оңтүстігіндегі ең бай елдердің бірінің толық экономикалық құлдырауымен бірге жүрді.

Иран ірі мал фермасын ашты

Иран Тегеран маңында өзінің ірі өнеркәсіптік мал фермасын ашты. Оның жұмысы ауыл шаруашылығы өнімдері мен мал импортын жылына $1 млрд-қа қысқартуға мүмкіндік береді.

Тегераннан оңтүстікке қарай 40 км жерде орналасқан Фашафойдағы жобалық қуаты 80 000 бас ферма қой мен ешкі өсіруге арналған.

«Біз өзіміз үшін орнатқан жоспарларға сәйкес, үш жыл ішінде 1 миллиард доллар сомаға ауыл шаруашылығы және мал шаруашылығы өнімдерінің импортын тоқтатуға ниеттіміз және қазіргі уақытта біз жоспарларымыздан 25%- ға озып отырмыз», - деді тапсырманы орындау бөлімінің басшысы Мохаммад Мохбер.

АҚШ Бейбітшілік институтының мәліметіне сүйенсек, Иран 1979 жылы азық-түлігінің 65 пайызын импортқа жіберген екен, бірақ қазір өз азық-түлік себетінің 66 пайызын өндіреді.

Ауыл шаруашылығы Иран экономикасының даму үшін үлкен әлеуетке ие негізгі секторларының бірі болып табылады. Оның үлесіне ЖІӨ-нің 25 пайыздан астамы және жалпы жұмыспен қамтылғандардың үштен бірі келеді. Ол экспорттық түсімдерге қомақты үлес қосып, мұнай экспортының жалпы көлемінің үшінші бөлігін беріп отыр.

Тақырып бойынша оқыңыз: Неліктен қазақстандық қойларға шетелдік қошқарлар керек

Қызыл еттің шамамен 53 пайызы қой мен ешкіден өндіріледі. Mehr ақпараттық агенттігі жүргізген соңғы деректерге сүйенсек, Ирандағы қой басы мамыр айында 47,3 млн басты, ал ешкі 17 миллион басты құраған. Ақпан айында ірі қара малдың жалпы саны 4,7 миллион басты құрады.

Азияда сиыр етін тұтыну 2,7 млн тоннаға артады

Азияда сиыр етін тұтыну келесі он жыл ішінде 2,7 млн тоннаға өседі деп күтілуде. Бұл туралы ФАО/ЭЫДҰ жариялаған жаңа болжамда айтылған.

Сиыр етін өндіруге келетін болсақ, 20209 жылы әлемдік ауыр салмақтар, Бразилия мен АҚШ шикізат өндірісінің көлемін жылына жарты миллионға  арттырады деп күтілуде. Алайда олардың әлемдік сиыр өндірісіндегі үлесі өзгермейді, өйткені Пәкістан және Оңтүстік Африка тәрізді бірқатар елдер сектордағы өз үлесін арттыруға ниетті.

Австралия алдағы уақытта сиыр етінің әлемдік өндірісінің аз ғана үлесін ұсынатындығына қарамастан, австралиялық сиыр етінің экспорты тұрақтайды және 2029 жылы сиыр етінің әлемдік саудасында шамамен 16% құрауы керек деп болжануда. Шешуші бәсекелес елдерден күтілетін өндірістің әжептәуір өсуін ескерсек, бұл үміт берерлік жағдай.

Тақырып бойынша оқыңыз: «Фермерлік» ет туралы қауіпті мифтер

Соған қарамастан, табысының деңгейі жоғары елдерде сиыр етін тұтыну қанығу деңгейінде, бұл ретте тұтынушылық басымдылықтардың ауытқуы ақуыз көздерін әртараптануға әкеледі. Табыс деңгейі жоғары елдердегі тұтынушылар үшін сапа шешуші фактор болып табылады.

Қытайда ет импортына қатысты жаңа ережелер қабылдады

Ұлттық денсаулық сақтау басқармасы ет компанияларына арналған міндетті қағидаларды ұсынды. Олар COVID-19-мен күресуге бағытталған.

Қытай ет импорттаушылары бірқатар ережелерді ұстануы керек, өйткені ел арасында вирустың ет пен ет өнімдерімен тасымалдануы мүмкін екендігі туралы күдік орын алған.

«Барлық импортталатын ет өнімдерінде басқа құжаттардан басқа нуклеин қышқылына сынақтама жүргізу туралы тиісті сертификат болуы тиіс. Барлық ет өнімдерінің толық қадағалануы расталуы қажет. Қытайға импортталатын ет өндірілетін барлық сойылатын мал аурудан таза деп саналатын аудандардан шығуы керек. Қытайға келетін ет фермалары, мал соятын орындар, ет бұзу цехтары, өңдеуші орталықтар немесе ет өнімдерін өңдеу кезеңдерінің кез-келгеніне қатысатын салқындату камералары толық және мерзімдік тазарту жүргізуге және аумақты зарарсыздандыруға сертификатталуы тиіс», - делінген жаңа ережелер жиынтығында.

Тақырып бойынша оқыңыз: АШМ қазақстандық ет өңдеушілердің Қытайға экспортқа шығаратын еттерін тексереді

Соңғы уақытта бірнеше ірі ет экспорттаушылары – Европа мен Оңтүстік Америка компанияларының көпшілігі Қытайға ет жеткізілімінің тоқтатылуына байланысты зардап шекті.

Украинада ауыл шаруашылық өндірісі 19% төмендеді

2020 жылдың бірінші жарты жылдығында Украинадағы ауыл шаруашылық өнімдері өндірісі 2019 жылдың ұқсас мерзімімен салыстырғанда 19 пайызға қысқарды.

Экономика, сауда және ауыл шаруашылығы министрлігі мұны негізінен ауа-райы жағдайларының қолайсыздығымен түсіндірді. Шынында да, биылғы жылы Украина су тасқыны мен құрғақшылықтан кезек-кезек зардап шеккен болатын.

Алайда, сарапшылар мұндай түйткілдердің ауа-райының ауытқуларынан туындамағанын болжайды: Украинада тұқым мен өсімдіктерді қорғау құралдарын шығару баяғыда тоқтаған, барлығы дерлік шетелден келеді. Комбайндардың, тракторлардың және басқа да техниканың көп бөлігі – импорттық. Дизель отынының 70-80 пайызы және тыңайтқыштардың кемінде 50 пайызы Украинада өндірілмейді.

Тақырып бойынша оқыңыз: Астық жөніндегі халықаралық кеңес егін жайлы болжамдарын өзгертті

Ауыл шаруашылық өндірісінің төмендеуінің негізгі себептерінің бірі ретінде сарапшылар мемлекет тарапынан там-тұмдаған көмекті атап отыр, оның өзі өндірушілердің қалталарына дейін жемқор шенеуніктердің қалталары кетіп, ал өңдеуші сала құлдырауын жалғастыруда. Украина өсірген өнімін иеленуден қалды. Осы себепті өнім қалып отырған зауыттар мен кешендерге жетпейді, өйткені трейдерлер оны бағаны белгілей отырып сатып алады. 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.