Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстан Ауғанстанға азық –түлік беріп көмектесетін болады
15 мая 2020
Қазақстан Ауғанстанға азық-түлік түрінде гуманитарлық көмек жібереді. Бұл туралы Қазақстан Республикасы Сыртқы істер министрлігінің баспасөз қызметі хабарлады.
Баспасөз қызметінің ақпаратына сәйкес, ҚР СІМ басшысы Мұхтар Тлеуберди Ауғанстанның Сыртқы істер министрі Мохаммад Ханиф Атмармен телефон арқылы сөйлесті. Әңгіме барысында Тлеуберди ауғандық әріптесіне Қазақстан үкіметі Ауғанстанға азық-түлік түрінде гуманитарлық көмек көрсету туралы шешім қабылдағаны туралы хабарлады.
«Атмар ризашылығын білдірді және ауған тарабы Қазақстан үкіметінің көрсеткен көмегін жоғары бағалайтынын атап өтті. Министр сондай-ақ Ауғанстан Қазақстаннан астық және өңделген өнімдерді импорт ретінде алуға қызығушылық танытатындарын жеткізді», — деді СІМ.
Аталған әңгімелесу ауған тарапының бастамасы бойынша өткен еді.
13 мамырда Қазақстан гуманитарлық көмек ретінде Тәжікстанға бір партия ұн берді. Қазақстандық ұн темір жолмен барлық санитарлық-эпидемиологиялық нормаларға сәйкес жеткізілді.
Жүктің сертификатын тапсырған кезде, Қазақстанның Душанбедегі елшісі Асқар Тәжібаев Қазақстан бауырлас Тәжікстан халқына жыл сайын гуманитарлық көмек көрсететіндігін айтты және аталған көмек 2006 жылдан бастап 38 миллион доллар болғанын еске алды.
Қазақстан Республикасы Сыртқы істер министрлігінің хабарлауынша, пандемия кезіндегі көршілеріне қолдау көрсету үшін Қазақстан президенті Қасым-Жомарт Тоқаев Қырғызстан мен Тәжікстанға әр елге жалпы сомасы 3 миллион доллардан асатын 5 мың тонна көлемінде қазақстандық ұн беру арқылы гуманитарлық көмек көрсету туралы шешім қабылдаған еді.
