Ауыл шаруашылығы қызметкері күні құтты болсын!

Бүгін Қазақстанда ауыл шаруашылығы, тамақ және қайта өңдеу өнеркәсібі қызметкерлерінің күні атап өтілуде.

Бүгін саланың барлық қызметкерлерін ауыл шаруашылығы министрі Ербол Қарашөкеев кәсіби мерекелерімен құттықтады.

"Биылғы жылы ауыл қызметкерлері өздерінің кәсіби мерекелеріне жақсы нәтижелермен келді. 10 айдың қорытындысы бойынша сала экономикадағы ең жоғары өсу қарқынын көрсетті. Ауыл шаруашылығының жалпы өнімінің көлемі жыл басынан бері 8,2% - ға ұлғайып, 8,1 трлн теңгені құрады. Өткен жылмен салыстырғанда барлық бағыттар бойынша өсімге қол жеткізілді", - делінген Ауыл шаруашылығы министрлігі басшысының құттықтауында.

Ербол Қарашөкеев астық саласындағы жетістіктерін ерекше атап өтті. Биыл 22,1 млн тонна дәнді және бұршақты дақылдар бастырылды, бұл соңғы 10 жылдағы ең жоғары көрсеткіш. Азық-түлік өндірісінің көлемі 3,5% - ға өсті.

Министрдің айтуынша, ауыл шаруашылығы өнімдерінің экспорты да жандана түскен. Бірінші жартыжылдықта көрсеткіш $ 3,3 млрд-қа жетті, өткен жылдың сәйкес кезеңімен салыстырғанда өсім 44% құрады.

Әлемдік экономикадағы күрделі жағдай аясында мемлекеттік қолдау шаралары биыл 1,5 есеге жуық.

Ербол Қарашөкеев биылғы жылдың қол жеткізген жетістіктерін бекітіп қана қоймай, өндірістің тұрақтылығын қамтамасыз ете отырып, саланы жаңа технологиялық деңгейге шығару есебінен одан әрі дамыту қажеттігін атап өтті. Саланы техникалық және технологиялық қайта жарақтандыруға ерекше назар аударылатын болады. Ол үшін қажетті қаражатты қосымша бөле отырып, инвестициялық субсидиялау бағдарламасы кеңейтіліп жатыр.

"Қабылданып жатқан шаралар саланың даму қарқынын одан әрі жеделдету үшін жақсы негіз қалайтынына сенімдімін, ал ауыл тұрғындарының қажырлы еңбегі біздің ауыл шаруашылығымызды жоғары деңгейге көтеруге мүмкіндік береді. Сіздерді, қымбатты ауыл еңбеккерлерін кәсіби мерекелерімен құттықтаймын! Баршаңызға зор денсаулық, отбасыларыңызға амандық және жыл сайын мол өнім тілеймін", - деп атап өтті министр.