ҚР Ауыл шаруашылығы саласының бірқатар өндірушілеріне ҚҚС бойынша 70% жеңілдік беріледі

Қазақстанда қант, мақта өңдеу, кондитерлік өнімдер мен ашытқы өндірушілерінің өкілдеріне қосымша салық төлеуде жеңілдіктер беру жоспарлануда. «Атамекен» Ұлттық кәсіпкерлер палатасы басқарма төрағасының бірінші орынбасары Эльдар Жумагазиев өзінің бейне есебінде осы жағдай туралы және агроөнеркәсіптік кешенді қолдау бойынша қабылданған басқа шаралар жайлы айтты.

«Біз салық заңнамасына қант, мақта өңдеу, кондитерлік өнімдер мен ашытқы өндірушілері үшін ҚҚС-тан 70% жеңілдіктер ұсыну бойынша заңға түзетулер енгізу жұмыстарын жүргізудеміз. Бұл кәсіпорындарға одан әрі дамуы үшін қаражатты жұмсауға және шамамен 20 мың фермерге қант қызылшасы мен мақта өсіріп кепілдендірілген сатуға мүмкіндік береді», - деді Эльдар Жұмагазиев.

Жасалған заңнамалық жұмыстар туралы айта келе, ол өсімдік шаруашылығындағы міндетті сақтандырудың жойылғанын еске салды. Есептеулер бойынша фермерлер жылына шамамен 3 миллиард теңге үнемдей алады. Сонымен бірге, заңда сақтандырудан кейін ғана мемлекеттік қолдау шаралары жасалады деген шарт жоқ екенін айтты.

Сондай-ақ, сатып алушы ұйымдарға жыл сайынғы ҚҚС бойынша субсидия беру тоқсан сайынғы субсидиялармен алмастырылды. Бұл бүкіл ел бойынша 90-ға жуық сатып алушы ұйымдарға әсер етті, аталған шаралар осы бағыттың дамуына және жеке қосалқы шаруашылықтардың ауылшаруашылық өнімдерін айналымға шығаруға жағдай жасайды.

Шаруашылықтағы тракторлар көлік салығынан босатылады.

Өз кезегінде, агроөнеркәсіптік кешен субъектілері ірі қара мал мен асыл тұқымды тауықтарды импорттау кезінде ҚҚС төлеуден босатылады.

Жұмағазиевтің айтуынша, астық қабылдайтын кәсіпорындарына теміржол желілерін ұсыну, астық өнімдерін сату, майлы тұқымдарды өңдеу және сату бойынша қызметтер ұсыну мүмкіндігі берілді. Бұл норма 200-ге жуық астық қабылдау кәсіпорнына әсер етеді және 40 мың фермерге жақсы жағдай туғызады.

Сондай-ақ, Қазақстан Республикасының Жер кодексіндегі ауыл шаруашылығы мақсатындағы жерлерді жалға алушыларға жалға жерді сату құқығын беруге қатысты түзетулер алынып тасталынады.

Қазақстандық күріш ЕАЭО аумағынан әкетуге тыйым салынған тамақ өнімдерінің тізімінен шығарылды. Бұл шара 25 отандық өңдеу кәсіпорнына, 450-ден астам шаруа қожалықтарына өз өнімдерін экспорттауға мүмкіндік берді.

Сонымен бірге, Ауыл шаруашылығы министрлігінің бұйрығына аймақтық мамандандыру схемасына толықтырулар енгізілді. Бұл қызылордалық фермерлерге сүт бағытындағы ірі қара малды өсіруге, картоп пен жүзім өндіруге, ал ақтөбелік фермерлерге жеміс-жидек дақылдарын өндіруге субсидия алуға мүмкіндік берді. Бұл түзетулер шамамен 2000 фермерге жақсы көмек болады.

Сонымен бірге, ҰКП-тың ұсынысы бойынша ағымдағы жылы бактериялық күйікке ұшырап,  жойылған жеміс-жидек дақылдарын отырғызу және өсіру шығындары үшін жеке және заңды тұлғаларға өтемақы төлеу үшін Ережелер дайындалды және бекітілді. Бұл норма 800-ден астам фермерге оң ықпал етеді.

Сондай-ақ Эльдар Жұмағазиев фермерлерді субсидиялау ережесіндегі өзгерістер туралы айтты. Атап айтқанда, мал басын субсидиялау ережесіндегі өлшемдер төмендетіліп, агробизнестің субсидиялауыналуға мүмкіндік жоғарылады. Облыстық кәсіпкерлер палаталары сүт фермаларына арналған арнайы комиссиялардың 250 қорытындысын шығарды, олардың 177 тұжырымы немесе 71% -ы 50 бас малы бар шағын және орта фермерлерге арналған. Соның арқасында 250 кәсіпорын сүт сатуға субсидия алды.

Шағын және орта фермерлер қатысатын ауылшаруашылық кооперативтері де ауылшаруашылық салаларын субсидиялаудың барлық ережелеріне енгізілген. Тек өткен жылы тыңайтқыштар үшін 348 кооператив 590,7 миллион теңге көлемінде субсидия алды.

2018 жылы көптеген фермерлер мен кооперативтер шаруа қожалықтары мен кооператив мүшелерінің егістік алқаптарын растаудағы  Qoldau-дың техникалық шектеулері салдарынан тыңайтқыштар, гербицидтер мен тұқымдарға субсидиялар ала алмады. Биыл Ауыл шаруашылығы министрлігі ҰКП -тан өсімдік шаруашылығы өнімдерін субсидиялау ережелеріне ұсыныстар қабылдады, бұл фермерлер мен кооперативтерге субсидия алуға құқық берді.

Сонымен қатар, мемлекет өткен жылы солтүстік аймақтарда рапсқа айтарлықтай зиян келтірген қырыққабат көбелегіне қарсы дақылдарды өсірудің 50% субсидиялауды бастады.

Сонымен бірге, Эльдар Жұмағазиевтің айтуынша, салада әлі де шешілмеген мәселелер көп. Атап айтқанда Qoldau порталында тариф мөлшерінің 3-тен 11-ге дейін айлық есептік көрсеткішке дейін көтерілуі; ауылшаруашылық техникасын жою жарнасы; мал шаруашылығы мен инвестициялық субсидиялаудың жаңа ережелерін қабылдауды кешіктіру; малды сыртқа шығаруға тыйым салуды алып тастау; акциз ставкалары мен акцизделетін және азық-түлік тауарларына салықтың басқа ставкаларының болжамды өсуі.

«Агроөнеркәсіптік кешенді дамытудың мемлекеттік бағдарламасы келесі жылға дейін жарамды, сондықтан жақын арада жаңа бағдарламаны әзірлеуді бастау керек, сол жұмыстың барысында субсидиялардың тиімді болуын енгізу, субсидиялаудың нақты әдіснамасын әзірлеу, фермерлердің ауылшаруашылық құзыреттілігін арттыру, ауылшаруашылық малдарына тыйым салуды алып тастау үшін басқа тәсілдерді табу керек және басқалары агроөнеркәсіптік кешен шеңберіндегі басқа жүйелік мәселелерді шешу қажет», - деп сөзін қорытындылады ҰКП төрағасының бірінші орынбасары.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.