Қазақстандық ғалымдар жаңа биотыңайтқыш ойлап шығарды

У.Успанов атындағы Қазақ топырақтану және агрохимия ғылыми-зерттеу институтының ғалымдары ашық және қорғалған жерде дақылдар өсіру үшін БиоЭкоГум PGPR микроорганизмдеріне негізделген жаңа көп функционалды, экологиялық таза биотыңайтқышты ойлап тапты. Бұл туралы Ұлттық аграрлық ғылыми-білім беру орталығында (ҰАҒББО) хабарлады.

«Жасалған табиғи биотыңайтқышты өндіру және пайдалану үнемді, сонымен қатар экологиялық қауіпсіз (улы емес) ауылшаруашылық өсімдіктерін дамытуда маңызды рөл атқарады, оларды минералды қоректенумен қамтамасыз етеді, топырақты сарқылудан қорғайды, табиғи құнарлылығын қалпына келтіреді, дақылдардың өнгіштігін арттырады, өнімділікті ұлғайтады, алынған ауылшаруашылық өнімдерінің тұтынушылық қасиеттерін жақсартады», - деді Қазақ топырақтану және агрохимия ғылыми-зерттеу институтының халықаралық ынтымақтастық және инновациялар жөніндегі бас директорының орынбасары Зульфия Тукенова.

Мамандардың айтуынша, биотыңайтқыш құрғақ жағдайда өсімдіктерде фитопатогендік саңырауқұлақтар мен вирустың дамуын тежейді, дақылдардың биомассасын көбейтуге көмектеседі, вирусқа қарсы әсері бар және ауылшаруашылық дақылдарын зиянкестерден қорғайды.

Биотыңайтқышы қазірдің өзінде Түркістан облысында мақтаға 50 га алқапқа сәтті түрде енгізілуде, мұнда өнімділік 30-40% -ға өсті, сонымен қатар Алматы облысында 60 га алаңда өнімділік 35-40% -ға артқан, дәнді және жүгері дақылдары 70% -80%-ға өсті. «Ақылды»  тыңайтқышқа деген тауар өндірушілердің қызығушылығы жоғары. Мұндай сұраныстың жоғары болуының басты себебі - жақсы егін шығымы болып табылады.

Алматы, Қызылорда және Түркістан облыстарының деградацияланған жерлерінде күріш пен жүгері өсіруде биоминералды және биоорганикалық тыңайтқыштардың инновациялық технологияларын өндірістік сынақтардан өткізу кезінде олардың өнімділігін 30-дан 90% -ға дейін арттыруға мүмкіндік берді.

Өндірілген өнім егін және жайылымдық жерлер орналасқан фермерлерде үлкен сұранысқа ие, деп ойын қорытындылады Зульфия Тукенова.