Қазақстанда Халалдың жаңа бес стандарты енгізілді

Қазақстанда 1 шілдеден бастап халал өнімнің бес жаңа стандарты қабылданды. Бұл туралы Сауда және интеграция министрлігінің баспасөз қызметінен хабарлады.

Агенттіктің хабарлауынша, халал саласында қабылданған жаңа стандарттарда өзіндік қолдану қағидасы бар. Сондықтан өнімдерді жасау кезінде барлық талаптарды бірдей  басшылыққа алу керек.

Бірінші: ҚР СТ 3483-2019 «Халал өнімдері. Негізгі ережелері». Ол халал өнімдерге  қатысты негізгі ережелерді және оны өндіру, сақтау, тасымалдау және таңбалау процестерін белгілейді, сонымен қатар халалға жататын және тыйым салынбайтын өнімдерді нақты анықтайды.

Екінші: ҚР СТ 3453-2019 «Халал өнімдер. Ауылшаруашылық жануарлары мен құстарды союмен айналысатын ұйымдар». Ауылшаруашылық жануарлары мен құстарды союмен айналысатын ұйымдардың халал тамақ өнімдерін өндіруге сәйкестігі үшін жасалған. Сою ветеринария саласындағы заңнамада белгіленген талаптарға сәйкес келуі керек, ал мал сою орындары тек халал мал мен халал союға арналған болуы керек.

Үшінші: ҚР СТ 3485-2019 «Халал өнімдер. Сәйкестікті растау тәртібі». Халал өнімінің сәйкестігін растау - бұл рәсім бойынша объектінің стандартты құжаттарда белгіленген талаптарға сәйкестігін құжат арқылы растау жатады. Мұндай құжат сертификаттар тізілімінде тіркелген халал өнімнің сәйкестік сертификаты болып табылады.

Төртінші: ҚР СТ 3484-2019 «Халал өнімдерінің ұлттық сәйкестік белгісі. Техникалық талаптар және таңбалау тәртібі».Стандартта халал өнімдерінің ұлттық сәйкестік белгісінің нысаны, мөлшері мен техникалық талаптары, сондай-ақ халал өнімдерін таңбалау тәртібі белгіленген.

Халал өнімнің сәйкестік белгісі - халал өнімдеріне стандарттау құжаттарында белгіленген талаптарға сәйкестігін растау рәсімдері, өнімдер, қызметтер, тауарлардың өтуі туралы клиенттерді хабардар ету үшін қолданылатын белгі.

Бесінші: ҚР СТ 3454-2019 «Халал тамақтану қызметі. Жалпы талаптар». Барлық меншік нысандарындағы, әртүрлі типтегі және кластағы тамақтандыру кәсіпорындары - мейрамхана, бар, кафе, асхана, жеңіл тағамдар, фаст фуд кәсіпорындары, буфет, дәмхана, кафе-дүкен, халал тамақтандыру кәсіпорнында жұмыс істейтін аспаздық дүкен осы стандарттың талаптарына сәйкес келуі керек.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.

article