Арман Өтеғұлов АШМ ветбақылау комитетінің төрағасы қызметінен босатылды

ҚР Үкіметінің қаулысымен Арман Өтеғұлов ҚР Ауыл шаруашылығы министрлігі Ветеринариялық бақылау және қадағалау комитетінің төрағасы қызметінен босатылды. Бұл туралы ҚР премьер-Министрінің баспасөз қызметі хабарлады.

Ротация себептері туралы хабарланбайды.

Арман Өтеғұлов 1964 жылы Батыс Қазақстан облысында дүниеге келген. Саратов мемлекеттік зоотехникалық-малдәрігерлік институтын, Батыс Қазақстан инженерлік-техникалық университетін, Қазақстан инновациялық және телекоммуникациялық жүйелер университетін бітірген.

Ол Батыс қазақстан облысы Фурманов ауданы Ақкөл кеңшарында аға, бас мал дәрігері, Батыс қазақстан облысы Казталов ауданы «Талдыапан» кәсіпорнының директоры, БҚО Казталов ауданы әкімінің орынбасары, БҚО Қаратөбе және Теректі аудандарының әкімі, БҚО ауыл шаруашылығы басқармасының басшысы, осы аймақ әкімінің орынбасары қызметтерін атқарған.

ҚР АШМ Ветеринариялық бақылау және қадағалау комитетінің төрағасы болып 2018 жылдың сәуір айында тағайындалған болатын.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.