Қазақстанда шошқа етінің экспорты $1,1 млрд. долларға артты

ҚР Сауда және интеграция министрлігінде ірі швейцариялық SUISAG компаниясы өкілдерінің қатысуымен өткен онлайн-семинар барысында шошқа еті экспортының әлеуетін арттыру жағдайы талқыланды.

«Шошқа етінің экспорты  негізінен Қытай нарығына бағытталып, $780 – $1,1 млрд қаражатқа  бағаланады. Өткен жылдың қыркүйек айында ҚХР Бас кеден басқармасымен (БКБ) Қытайға мұздатылған шошқа етін экспорттауға қойылатын талаптар бойынша Хаттамаға қол қойылды. Сондай-ақ ветеринарлық сертификат келісілді. Қазақстандық шошқа өсіретін кәсіпорындарды ҚХР Бас кеден басқармасының тізіліміне енгізіледі деп күтілуде»,-деп хабарлады баспасөз қызметі.

Хабарламада айтылғандай, ағымдағы жылдың маусым айының басында ҚР АШМ ҚХР ТТУ-ға 34 қазақстандық кәсіпорынның (30 ет өңдейтін және 4 шошқа өсіретін) жаңартылған тізімін жіберді.

Тағы бір маңызды жағдай ағымдағы жылдың мамыр айында Қазақстан шошқа обасынан таза ел ретінде халықаралық эпизоотиялық бюродан сертификат алды. Осылайша, бүгінде мұздатылған шошқа етін қытай сияқты ірі нарыққа экспорттау үшін барлық қажетті база құрылды.

Сонымен қатар, мәжіліс барысында QAZTRADE ССДО бас директоры Арман Әбенов Швейцариямен ынтымақтастық ҚР үшін ең перспективалы бағыттардың бірі болып табылатынын атап өтті. Өз кезегінде SUISAG компаниясының өкілі Маттео Эппли Швейцарияның шошқа шаруашылығын дамыту және қазіргі жетістіктері туралы тәжірибесімен бөлісті. Ол сондай-ақ Қазақстанда шошқа өсіру саласын дамыту бойынша өз ұсыныстарын айтты. Олардың ішінде: мал жағдайын жақсарту, қолдан ұрықтандыру технологиясын пайдалану (қазіргі уақытта ТМ жөніндегі орталық жоқ) және генетиканы енгізу; қолда бар шошқа басын арттыру; жаңадан мал басын өсіру, қазақстандық университеттермен бірлесе маман даярлау, жаңадан ферма салу жайлы айтты.

«Қазіргі уақытта компанияның генетика, жасанды ұрықтандыру және денсаулық мәселелеріне қатысты Қазақстанның шошқа өсірушілеріне арналған оқыту семинарын өткізу бойынша пилоттық жобасы ҚР Үкіметіне ұсынылды. Сондай-ақ қазақстанда шошқа шаруашылығы орталығын (Швейцария моделі бойынша) құру қажеттігі айтылды», - деп хабарлады баспасөз қызметі.