Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстанда алдағы күндер жаңбырлы болады
05 августа 2020
6-8 тамызда Қазақстанның басым аумағында күн райы құбылмалы болады деп болжам айтылуда. Бұл туралы Қазгидромет хабарлайды.
«Қазақстанның басым бөлігінде ауа райы тұрақсыз болады. Көптеген аймақтарда найзағай ойнап, батыста және солтүстік-батыста қатты жаңбыр жауады. Дауыл болып, бұршақ түсуі мүмкін», - дейді синоптиктер.
Болжам бойынша, тек ҚР-дың оңтүстік-шығысында ауа райы жаңбырсыз болады. Қазақстанның солтүстігі мен орталығында алдағы тәулікте ғана жауын-шашынсыз болады. Сонымен қатар, республика бойынша кей жерлерде жел күшейеді, оңтүстікте, оңтүстік-шығыста шаңды дауыл тұрады. Сондай-ақ, Қазгидромет 6 тамызға Қазақстанның тоғыз облысында дауыл болады деп ескерту таратты.
Атырау, Батыс Қазақстан облыстарында найзағай ойнап, 35 градусқа дейін қатты ыстық болады, Өңірде өрт қаупі жоғары болады.
Қостанай облысының кей жерлерінде найзағай жарқылдап, оңтүстікте 38 градусқа дейін ыстық болады. Жел екпіні 15-20 метр, кей жерлерде секундына 23 метрге дейін жетеді.
Ақмола облысының кей жерлерінде 35 градус қатты ыстық болады. Солтүстік-шығыстан соққан жел кей жерлерде секундына 15-20 метрге дейін жетеді. Бұл аймақта өрт қаупі жоғары болады.
Қарағанды облысында 6-7 тамызда кей жерлерде найзағай ойнап, бұршақ жауады, оңтүстік-шығыстан, шығыстан жел соғады, кей жерлерде жел екпіні секундына 15-20 және 23 метрге дейін жетеді. Күндіз облыстың оңтүстігінде 37 градус қатты ыстық болады, Өрт қаупі жоғары болады.
Түркістан облысының басым бөлігінде 40 градусқа дейін қатты ыстық болады, кей жерлерде төтенше өрт қаупі сақталады.
Алматы облысында күндіз 35-37 градус қатты ыстық болады.
Қызылорда облысының кей жерлерінде найзағай ойнап, батыс, солтүстік-батыстан секундына 15-20 метрге дейін жел тұрады. Күндіз төтенше өрт қаупі сақталады.
Жамбыл облысында 6-8 тамызда өңірдің басым бөлігінде 39 градусқа дейін қатты ыстық болады, кей жерлерде төтенше өрт қаупі сақталады. 7-8 тамызда өңірде шаңды дауыл болады деп күтіледі, солтүстік-шығыстан солтүстік-батысқа ауысып, секундына 15-20 метрге дейін жел соғады.
