Оңтүстік өңірлердің фермерлері Нұр-Сұлтан қаласындағы жәрмеңкеге 800 тонна өнім әкеледі

Түркістан және Алматы облыстарының фермерлері келесі демалыс күндері Нұр-Сұлтан қаласында ұйымдастырылатын жәрмеңкеге 800 тоннадан астам ауыл шаруашылық өнімдерін әкеледі. Бұл туралы елорда әкімдігінен хабарлады.

«5 және 6 қыркүйек  күндері Хан-Шатыр сауда ойын-сауық орталығында Түркістан және Алматы облыстарының ауыл шаруашылық өнімдерінің жәрмеңкесі өтеді. Түркістан облысының фермерлері мен дихандары қала тұрғындары мен қонақтарына 447,2 тонна  өнімдерін ұсынады. Сонымен қатар, ұйымдастырушылардың айтуынша, бағалар нарықтағы құннан 15-20%-ға төмен болады», - деп хабарлады әкімдік қызметкерлері.

Түркістан аграршылары астана тұрғындарына 267,7 тонна көкөніс, бақша дақылдарын, картоп, 29,5 тонна жемістер мен көкөністер, 72 тонна ет және ет өнімдерін, 47,5 тонна сүт өнімдерін, 10 тонна балық, 6 тонна бал, 14,5 тонна жеміс шырындары мен консервілер әкеледі. Барлық өнім 34 жүк көлігімен жеткізілетін болады.

Қазіргі уақытта «Нұр-Сұлтан» базарларында сиыр етінің орташа бағасы 2000-2100 теңгені құраса, жәрмеңкеде ол 1700-1800 теңгеден сатылады. Қарбыз бен қауынды астана базарларында 130-200 теңгеден сатылса, жәрмеңкеде 75-100 теңгеге сатылады. Көкөніс өнімдерінің орташа бағасы 150-200 теңгені құрайды, жәрмеңкеден ауыл шаруашылық өнімдерінің келісін 100-150 теңге аралығында сатып алуға болады.

Сондай-ақ, Алматы облысынан жәрмеңкеге үш қала - Текелі, Қапшағай және Талдықорған сатушылары келеді, сондай-ақ 17 аудан таныстырады деп хабарланды. Фермерлер Елордаға 48 түр бойынша 370,4 тонна ауыл шаруашылық өнімдерін әкелуге дайындалып жатыр: 44,5 тонна ет, 16,1 тонна сүт өнімдері, 113,6 тонна көкөністер, 14,7 тонна балық, 38 тонна жемістер мен жидектер, 42,6 тонна картоп , 100 тонна басқа өнімдер. Барлығы 170,5 млн.теңгеге өнім сату жоспарланған.

Әкімдік жәрмеңкеге келушілер қатаң санитарлық-гигиеналық талаптарды сақтауы керек екенін атап өтті: бетперде кию, арақашықтықты сақтау және антисептиктерді міндетті түрде қолдану қажет.