АШМ: Қазақстан АӨК өнімдері экспортының географиясын 67-ден 80 елге дейін кеңейтеді

Қазақстан жыл соңына дейін ауыл шаруашылығы өнімдері экспортының географиясын 67-ден 80 елге дейін кеңейтуді жоспарлап отыр. Бұл туралы бүгін брифингте Ауыл шаруашылығы министрі Сапархан Омаров мәлімдеді.

«Қазіргі уақытта  біз ЕО елдеріне бал және күнбағыс майы өнімдерінің экспортын ұлғайтуды жоспарлап отырмыз. Сондай-ақ, жылқы еті мен сиыр еті Жапонияға экспортталатын болады. Сонымен бірге Қытай мен Таяу Шығысқа экспортты көбейтеміз. Егер біз бүгін 67 елден өнім экспорттайтын болсақ, онда жылдың аяғына дейін біз шығатын елдер санын 80-ге жеткіземіз деп ойлаймын», - деді С.Омаров.

Министр сонымен қатар осы жылы астық эквивалентіндегі астық пен ұнның экспорттық әлеуеті 7-8 миллион тоннаға бағаланғанын хабарлады. Негізгі импорттаушы елдер - әдеттегідей Өзбекстан, Тәжікстан, Қырғызстан, Түркменстан, Ауғанстан және Иран. Сонымен бірге, ҚР Қытайға астық пен ұн экспортын ұлғайтуды жоспарлап отыр.

Ауыл шаруашылығы министрлігінің болжамы бойынша, биыл 18 миллион тонна астық жинау жоспарланып отыр. Қазіргі таңда диқандар 11,5 млн тонна астық жинады.

ҚР Ауыл шаруашылығы министрлігінің мәліметтері бойынша 2019 жылы Қазақстан 67 мемлекетке $ 3,2 млрд сомасында 14,4 млн тонна ауыл шаруашылық өнімдерін экспорттады.Бүгінде Қытаймен ауыл шаруашылық өнімдерінің 19 түріне, соның ішінде бидай, зығыр тұқымы, арпа жоңышқа, жүгері, бидай кебегі және жем, рапс, бидай ұны, соя, балық және балық өнімдері, бал, жүн, сүт өнімдері, жылқы, сиыр, қой және шошқа еттерін экспорттау туралы хаттамаларға қол қойылды.  

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.