Агроөнеркәсіптік кешенді дамытудың ұлттық жобасына жеке шаруашылықтарды қолдау шаралары енгізіледі

Агроөнеркәсіптік кешенді дамыту бойынша дайындалып жатқан жобаға жеке қосалқы шаруашылықтарды қолдау шараларын қамтиды. Бұл туралы ҚР Ауыл шаруашылығы министрлігінің баспасөз қызметі хабарлады.

«Статистикалық мәліметтерге сүйенсек, Қазақстандағы сүттің 75% -ын жеке шаруашылықтар өндіреді. Алайда, логистика мен орталықтандырылған сатып алу орындарының жоқтығынан, сондай-ақ айналым қаражаттарының жетіспеуіне байланысты жеке қосалқы шаруашылықтардан алынған өнімнің аз бөлігі ғана өңделеді», - деп хабарлады Ауыл шаруашылығы министрлігі.

Министрліктің мәліметінше, президенттің тапсырмасы бойынша Жамбыл облысының ауыл тұрғындарының табысын ауқымды және тиімді арттыруға арналған пилоттық жоба басталды. Үкімет  кеңсесінің салалық менеджерлер тобы қазіргі кезде оларға әлеуметтік-кәсіпкерлік корпорациялардың қатысуымен кооперативтер құрудың моделін жасауда. Тікелей қаржылық және ұйымдастырушылық қолдау модельдерін ұйымдастыру бойынша жұмыс істелуде.

Болашақта үкіметтің агроөнеркәсіптік кешенді дамытудың ұлттық жобасының тұжырымдамасын әзірлеу кезінде бұл мәселелер қарастырылатын болады.

Ауыл шаруашылығы министрлігінің деректері бойынша 2019 жылы Қазақстан Республикасында сүт өндірудің жалпы көлемі 3,9 млн теңгені құрады, оның ішінде жеке үй шаруашылықтарында сүт өндірісі 3 млн тоннаны құрады (жалпы сүт өндірісінің 76%).

Шаруа қожалықтарында жемістерін өндіру 278,7 мың тоннаны, жеке шаруашылықтарда 96,4 мың тонна (34,6%) өсірілді.

Барлық санаттағы шаруашылықтарда жидек дақылдарының жеміс-жидек өндірісінің көлемі 22,3 мың тонна болса, жеке шаруашылықтарда 20,5 мың тоннаны (92%) құрады.

Барлық санаттағы шаруа қожалықтарында жаңғақ өндірісі 3,8 мың тоннаны құрады, жеке үй учаскелерінде - 2,8 мың тонна (73%).

Өткен жылы көкөністер 4,3 млн тонна өндірілді, оның 1,6 млн тоннасы (37,2%) жеке үй учаскелерінде.

Республикада картоп 3,9 млн. тонна өндірілді, оның 2 млн. тоннасы (53,2%) жеке шаруашылықтарда болды.