Қазфосфат тыңайтқыш өндірісін үш есеге арттыруды жоспарлап отыр

Қазақ химия өнеркәсібінің көшбасшысы «Қазфосфат» ЖШС қуаттылығы 500 мың тонна тыңайтқыш өндіретін жаңа желі салу құрылысын бастады. Болашақта компания өндіріс көлемін жылына 1,5 миллион тоннаға жеткізуді жоспарлап отыр. Бұл туралы Индустрия және инфрақұрылымды дамыту министрлігінің баспасөз қызметі хабарлады.

ИИМ мәліметтері бойынша, бұған дейін Қазақстанның Даму Банкі фосфор қышқылын өндіретін цехты қайта жаңартуға «Қазфосфатқа» 5 млрд. теңге бөлген. Соның нәтижесінде кәсіпорында фосфат тыңайтқыштарын өндіру мен сату екі есеге өсті. Қазіргі уақытта мекеменің өндірістік қуаты жылына 500 мың тоннаға дейін жетеді.

Сонымен бірге «Қазфосфат» өндірісті одан әрі екі есеге дейін арттырып, зауыт қуаттылығы жылына 1,5 млн. тоннаға дейін тыңайтқыш шығаруды жоспарлап отыр.

«Сондай-ақ, қазірдің өзінде шығарылған өнімнің сапасын үнемі жақсарту бойынша жұмыстар жасалуда. Бұл әлемдік нарыққа тұрақты қатысуды қамтамасыз етеді. Жылына 500 мың тонна минералды тыңайтқыштар шығаратын зауыттың екінші кезеңінің құрылысы басталды», - деді Индустрия министрлігі.

Тақырыпқа байланысты оқу: Тыңайтқыш қолдану дұрыс емес

Компанияның негізгі өндіріс орындары Жамбыл облысында орналасқан. Кәсіпорын құрамында фосфор бар 22 түрлі өнім шығарылады. Атап айтқанда фосфориттер, сары фосфор, фосфат, натрий триполифосфаты, фосфор-калий тыңайтқыштары, аммофос және трикальций фосфаты бар жем өндіріледі.

Компанияның өнімдері әр түрлі салаларда кеңінен қолданылады, атап айтқанда өсімдіктерді қорғау құралдары өндірісінде инсектицидтер, тыңайтқыштар, жемдік фосфаттар мал шаруашылығы мен құс өсіруде қолданылады.

Пандемия мен әлемдік нарықтағы жоғары бәсекелестікке қарамастан, Қазфосфат дайын өнімді 26 елге экспорттауды жалғастыруда. Құрамында фосфор бар өнімдерді  импорт ретінде мынандай елдер алады: Әзірбайжан, Ауғанстан, Беларуссия, Доминикан Республикасы, Венгрия, Германия, Дания, Үндістан, Испания, Кипр, Қытай, Қырғызстан, Литва, Нидерланды, Польша, Ресей, АҚШ, Тәжікстан, Түркменстан, Түркия, Өзбекстан, Украина, Франция, Чехия, Швейцария, сондай-ақ Жапония.

ИИМ хабарлауынша, мемлекеттік қолдау шараларының арқасында дағдарыс кезеңінде Қазфосфат жұмыс қарқынын және экспорт көлемін сақтай алды. Мысалы, Қазақстанның Даму Банкі 2015 жылы экспорттаушыларды қолдау бағдарламасы аясында экспортқа шикізат шығаруға, материалдар мен қызметтерді сатып алуға несие беретін желі ашты. Бұл шараның мерзімі 2020 жылдың тамызында аяқталды. Бүгінгі күні 2023 жылға дейін жаңа мерзімге несие желісін ашу туралы келісімге қол қойылды.

Тақырыпқа байланысты оқуҚазақстанда тыңайтқыш сататын ТОП компаниялар

Сонымен қатар, ұзақ мерзімді перспективада, экспортты ұлғайтумен қатар, компания экологиялық қауіпсіздік пен кадр саясатына баса назар аударады. Бүгінгі таңда кәсіпорында алты мыңнан астам білікті жұмысшы жұмыс істейді.

Компанияның экологиялық қауіпсіздік саласындағы саясаты қоршаған ортаға жағымсыз әсерді үнемі азайтуды көздейді. «Қазфосфат» өндірістік нысандарының айналасында 56,6 гектар аумақта санитарлық-қорғау аймағы ретінде жасалған. Онда 20 мыңнан астам ағаш пен 10 мыңға жуық бұта отырғызылған. Бұл жасыл желекті аймақ - халықты зиянды өндірістік факторлардың әсерінен қорғайды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.