Алматы облысында жерді суарудың бес жылдық бағдарламасы іске қосылды

 Алматы облысы әкімінің орынбасары Серік Тұрдалиев AgriFood Qazaqstan 2020 онлайн-форумы барысында облыстың ауыл шаруашылық индустриясына инвестиция салу туралы айтты.

«Алдағы 10 жылда жалпы құны 35 трлн теңгені құрайтын 400-ден астам инвестициялық жоба жасалған болса, оның 60% -дан астамы агроөнеркәсіптік секторға салынған инвестиция», - деді Серік Тұрдалиев.

Ол соңғы жылдары аймақтағы өнеркәсіптік даму ауқымды түрде жүргізіліп жатқанын атап өтті. Бүгінгі күні ЖӨӨ-дегі өнеркәсіптің үлесі 1 трлн теңгеге жетеді, ал агроөнеркәсіптік кешен өнімі қазірдің өзінде триллионға жақындады.

Жобаларды талқылау кезінде инвесторлар бірінші кезекте жер мәселесіне көңіл аударады, сондықтан алдағы уақытта суармалы жерлерді қалпына келтіру жоспары тұр.

«Біздегі ауыл шаруашылық жерлерінің жалпы ауданы 8 000 000 гектардан асады, егістік жерлер - 1 000 000 га, оның ішінде 450 мың га – суармалы алқап. Бірақ бізге жердің жетіспейтіндігін жыл сайын айтады. Көптеген инвестициялық жобалар келеді. Сондықтан да біз басты назар аударатын бірінші бағдарлама - суармалы жерлерді қалпына келтіру», - деді Серік Тұрдалиев.

Әкімнің орынбасарының айтуынша, облыста алдағы 5 жылға арналған бағдарлама жасалған, 2025 жылға қарай тағы 450 мың гектарға қосымша 138 мың гектар жерді айналымға енгізу жоспарланып отыр.

Жерді қайта қалпына келтіру жұмыстары қазірдің өзінде Ислам Даму Банкінің қаражаты есебінен жүргізілуде.

«3 жыл бұрын біз Ислам банкінің қаражатымен жұмыс істей бастадық, қазір Ислам Даму Банкі есебінен 4 жоба іске асырылуда», - деді ол.

Сондай-ақ, облыста пайдаланылмай жатқан ауыл шаруашылық жерлерін үкіметке кері қайтару жұмыстары жүргізілуде. Бірнеше жыл ішінде 10 мың гектарға жуық жер алынды.

«Біз жер учаскелеріне аудит жүргіздік, олардың 138 мыңының көбін жайылымдар алып жатыр. Оларға ештеңе жасалмайды. Қазір біз бұл жерлерді қайта қарап жатырмыз. Біз белгілі бір мақсатқа пайдаланылмаған жерлерді кері қайтарамыз», - деді Серік Тұрдалиев.

 

 

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.