Қазақстан Қытайға құс еті мен жылқы етін жіберуді жоспарлап отыр

Қазақстан ауыл шаруашылығы министрлігі ҚХР-дың Бас кеден басқармасымен (БКБ) құс шаруашылығы өнімдері, жылқы еті, картоп және қызылша жомын сату бойынша хаттамаларға қол қоюды пысықтауда. Бұл туралы АШМ хабарлады.

Ауыл шаруашылығы өнімдерін Қытайға экспорттау үшін БКБ-мен ветеринариялық және фитосанитариялық талаптар бойынша хаттамалар мен сертификаттарға қол қою қажет. Қазіргі кезде ҚР АШМ мен ҚХР БКБ арасында 18 хаттамаға қол қойылды, олар бидай, соя бұршақтары, бидай кебегі, бал, жоңышқа, рапс күнжарасы, зығыр тұқымдары, арпа, жүгері, жүн шикізаты, сүт өнімдері, сиыр еті, мұздатылған қой еті, шошқа еті, бидай және жемдік ұн, асыл тұқымды жылқылар жеткізуге мүмкіндік береді. Хаттамасыз мұздатылған балық жеткізіледі.

АШМ ақпараты бойынша, ҚХР-да импортты мемлекеттік квоталау жүйесі жұмыс істейді, оның басым бөлігін мемлекеттік сауда кәсіпорындары жүзеге асырады. Квота шеңберінде әкелінетін өнімге төмен кедендік бажсалығы төленеді, квотадан тыс кедендік баж 65% - ды құрайды. Тарифтік квоталау өнімнің 7 түріне – бидай, жүгері, күріш, қант, жүн, жүн талшықтары мен мақтаға қатысты қолданылады. Кедендік баж  салықтары бойынша әкелінетін барлық тауарлар лицензиялауға жатады.

Тақырыпқа байланысты оқуҚазақстандық тамақ өндірушілер ҚХР-мен $1,4 млрд болатын жаңа келісім шарттаын талқылауда

Сондай-ақ, Қытайға импортталатын тамақ өнімдері шекарадан өту кезінде ҚХР-дың БКБ-да сапа сәйкестігін тексеруден өтуі тиіс және кедендік талаптар туралы куәлікке сәйкес кеден органдары өткізеді. Бұл жағдайда, жазылған кодтар импорттық өнімнің санитарлық - гигиеналық талаптарын көздейтін Қытай мемлекеттік стандарттарына (GB-Guojia Biaojun) сәйкес келуі тиіс.

Өз өнімдерін Қытайға экспорттауды жоспарлап отырған Компания ай сайын ресми сайтта жарияланатын ҚХР БКБ тізіміне енгізілуі тиіс. ҚХР-ға өнімдерді экспорттау 100% шетелдік капиталы бар компанияны құру арқылы немесе жергілікті серіктес арқылы жүзеге асырылады.

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.