Үкімет ауыл шаруашылық өнімдерін экспорттауға квота бөлуді жоспарлап отыр

Жыл басынан бері әлеуметтік маңызы бар азық-түлік тауарларының бағасы 2,6%-ға, ал жылдық көрсеткіш 13,2%-ға өсті. Сондықтан да бағаны тұрақтандыру үшін Сауда министрліг, ауыл шаруашылығы министрлігі мен Бәсекелестікті қорғау және дамыту агенттігі бірлесіп,бірқатар шараларды қамтитын Жол картасын әзірледі: сауда бағаларының өсуіне бақылау жасаудан бастап экспортқа шығарылатын өнімдерге квота беруге дейін қарастырылған. Бұл туралы бүгін үкімет отырысында Сауда министрлігінің басшысы Бақыт Сұлтанов мәлімдеді.

Аталған құжат 44 мәселені қамтиды, оның орындалуы наурыз айында басталады. Осы жағдайға байланысты әкімдіктерге сауда саясаты мен бақылау функцияларын жүзеге асыру бойынша жұмысты күшейту тапсырылды. Сонымен қатар, өнімдерге шектеулі бағаларды белгілеу, нарық субъектілерімен келісімдер жасау және «айналым схемасын» арттыру ұсынылады.

«Сонымен қатар, экспортқа жіберілетін тауарлар мен шикізатқа квота беру көзделіп отырғандығын жеткізді», - Бақыт Сұлтанов, алайда қандай өнімдерге шектеулер қойылатынын атамады.

Тақырыпқа байланысты оқу: АШМ майлы дақылдар тұқымына берілетін квота жайын талқылауда

Азық түлік өнімдерінің көлемін арттыру үшін қосымша қолдау көрсету шаралары да қолға алынады. Атап айтқанда кәсіпорындардың шығындарын өтеу және қолданыстағы субсидияларды қайта қарау мәселесі. Электр энергиясының тарифтері әлеуметтік маңызы бар тауар өндірушілер үшін белгіленетін болады.

Сонымен қатар, тұрақтандыру қорларына өнімдерді сатып алу кезінде импортталатын тауарларды алу көзделген.

Сонымен қатар, бағаны негізсіз көтеріп жіберген субъектілерге бақылау күшейтіледі. Монополияға қарсы іс-шаралар өткізу және бөлшек сауда желілеріндегі тауар бағасының өсуіне жол бермеу қарастырылған. Тексерулерді жергілікті атқарушы, монополияға қарсы және бюджеттік органдар бірлесіп жүргізеді.

Заңнамада түбегейлі өзгерістер жасау жоспарлануда: мемлекеттік сатып алудағы конкурстық процедураларды жеңілдету, бағаны белгілеу туралы шешімдерді бекіту мерзімдерін қысқарту, бағаны болжау механизмін енгізу.

Ұлттық дистрибьюторлық жүйені және әлеуметтік әмиянды іске қосу жұмыстары жалғасады.

«Жол картасын сапалы жүзеге асыру мақсатында үкімет жанынан мониторинг орталығын құруды және жүзеге асырушы органдардың жауапкершілігін арттыруды ұсынамыз», - деп қорытындылады сөзін Бақыт Сұлтанов.

 Тақырыпқа байланысты оқу: Қазақстанда ет тапшылығы 200 мың тоннаны құрайды

Премьер-министр Асқар Мамин Бәсекелестікті қорғау және дамыту агенттігіне әрбір тауарды шығару бойынша баға тізбегін егжей-тегжейлі анықтауды және нарықтағы жауапсыз орындаушылар арасындағы келіспеушіліктің алдын алу шараларын қабылдауды тапсырды.

Осы жағдайға байланысты Сауда министрлігі азық-түлік бағасының өсуіне әсер ететін тауарлар мен шикізаттың экспорты мен импортына қатысты ұсыныстар енгізуі керек. Сонымен бірге үкімет басшысы тауарларды шығарудың Ұлттық жүйесін құруды жеделдету және сауда процестерін цифрландыру қажет деп атап көрсетті.

Ауыл шаруашылығы министрлігіне әкімдіктермен бірлесе отырып, Азық-түлік келісім шарт корпорациясының кейбір дақылдарды сатып алу мәселелерін қарастыру тапсырылды. Сонымен бірге, әлеуметтік маңызы бар азық-түлік тауарларын өндірушілерге міндеттемелерді белгілей отырып, мемлекеттік қолдау көрсетілетін болады.