АШҚҚҚ ауыл тұрғындарын 63 млрд теңгеге қаржыландырады

Ауыл шаруашылығын қаржылай қолдау қоры  биыл ауылдық жердегі шағын кәсіпкерлердің 12 мыңнан астам жобасын 63 млрд теңгеге қаржыландырудыжоспарлап отыр.Негізінен «Еңбек» атты жұмыспен қамту және жаппай кәсіпкерлікті дамыту бағдарламасы бойынша несиелендіру болады. Бұл туралы қордың баспасөз қызметі хабарлады.

«Еңбек» бағдарламасы бойынша қаржыландыру мал шаруашылығы мен өсімдік шаруашылығы жобаларына, ауылдық кәсіпкерлігін дамытуға, ауыл шаруашылық өнімдерін қайта өңдеу және сақтау жобаларына беріледі. Ауыл кәсіпкерлері 6,5 жылға дейінгі мерзімге 12 миллион теңгеге дейін шағын несие ала алады.

Сондай-ақ, қалалық жердегі жобаларға да несие беріледі - олар үшін несие сомасы 16 миллион теңге болады, ал Нұр-Сұлтан, Алматы, Шымкент, Ақтау және Атырау қалаларында - 20 миллион теңгеге дейін беріледі. Сыйақы мөлшерлемесі жылдық 6% құрайды, ал тиімді сыйақы ставкасы жылдық 6,7% -дан аспайды. Көпбалалы және аз қамтылған отбасылар үшін сыйақы мөлшерлемесі жылына 4% құрайды, тиімді мөлшерлеме жылдық 4,7% -дан аспайды.

Аталған қор қызметкерлері Қарағанды ​​облысы Покровка ауылының фермері Альбек Тирнахан туралы айтты. 2017 жылы ол Ауыл шаруашылығын қаржылай қолдау қорынан 6 млн теңге несие алып, оған жылқы сатып алды. Алғашқы төлдерін алғаннан кейін және алғашқы түскен пайдадан соң фермер несиені мерзімінен бұрын жапқан. Өткен жылы «Тирнахан» ЖК екінші рет несиеге 3,7 млн.теңге қаражат алған.

«Қор арқылы несие алудың басты артықшылығы - несиені жарты жылда бір рет төлеуге болады, бұл өте ыңғайлы. Сонымен қатар, несие бағдарламасында екі жылға дейінгі мерзімге демалыс беріледі, яғни алғашқы төлді сатқаннан кейін несиені төлеуге мүмкіндік беріледі. Тағы бір ыңғайлы жағы - бұл ауылдағы тұрғын үйді кепілге қоюға болады», - деді Альбек Тирнахан.

Тақырыпты оқу: 2021 жылы егістікке қандай мемлекеттік қолдау көрсетіледі

Қазіргі таңда фермердің иелігінде 30 жылқы бар, оның 20-сы сауынды бие. Шаруашылықтан қымыз өндіру үшін кәсіпкерден бие сүтін сатып алатын ірі өңдеу зауыты ынтымақтастықта жұмыс істейді.

Ауыл шаруашылығын қаржылай қолдау қоры қаржылық-несиелік ұйым болып табылады және «Бәйтерек» холдингінің құрамына кіреді. Негізгі қызмет түрлерінің қатарына агроөнеркәсіптік кешендегі жобаларға несие беру, «Еңбек» бағдарламасы бойынша несиелерге кепілдік беру және банктік несиелер беру, агроөнеркәсіптік кешендегі сақтандыру бойынша операторлық қызметтер көрсету және «Дипломмен ауылға» жобасы  бойынша мамандарға несие беру қызметтері кіреді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.