ҚР -да шаруашылық рапс ұнының көмегімен сиыр сүттілігін арттыруда

Ауылшаруашылығындағы малдарды азықтандыру үшін үш түрлі жем кеңінен қолданылады, олар: соя, күнбағыс және рапс. Ең көп қолданылатын-соя, бірақ бағасы қымбат, соя өнімдері деп көбінесе жалған қоспаларды сатады. Селекционерлер жасаған безэруков рапс малға жақсы сіңеді, ешқандай зияны жоқ, бұл сұрыптан жасалған рапс ұнтағын пайдалану артып келді, деп хабарлады «ЭФКО Алматы» ЖШС.

Компанияда атап өткендей, рапс ұны сүтті сиырларды азықтандыруда кеңінен қолданылады. 2020 жылдың мамыр айында «Айдарбаев» шаруа қожалығы сүтті малдарды түйіршіктелмеген рапс ұнымен азықтандыруда тәжірибе жасай бастады.

«Аталған тәжірибе жұмысы 11.11.2020 мен 02.02.2021 аралығында өтті және голштейн-фриз тұқымының 462 сауын сиыры осы уақыт ішінде бақылауға алынды. Бұл малдарға күніне 1 бас сиырға 2,1 кг-нан бастап, 3,5 кг –ға дейін түйіршіктелмеген рапс ұнтағы беріле бастаған. Тәжірибе басталған кезде бір сиыр тәулігіне 20,3 л сүт, майлылығы - 3,6%, ақуыз - 3,1% болған еді. Тәжірибе соңында тәулігіне 23,2 литр сүт, май мөлшері - 3,9% , ақуыз - 3,3% дейін артқан. Қыста бұл көрсеткіштер өзгермеген», - деп хабарлады компания мамандары.

Тақырыпқа байланысты оқу: Сүт өнімділігі: жүгері сүт фермаларындағы өнімділікті арттыруда

Осылайша тәжірибе барысында алынған нәтижелер сүтті сиырлардың рационында рапс ұнтағын пайдалану сүттің тағамдық құндылығын жақсартып, зоотехникалық, физиологиялық және экономикалық көрсеткіштерін жақсартатындығын көрсеткен.

Атап айтарлық жағдай, рапс ұнтағындағы амин қышқылдарының құрамындағы ақуыз сояның құрамына жақын екендігі белгілі, сондықтан ауылшаруашылық малдарын азықтандыруда рапс амин қышқылдарының көзі ретінде қолданыла алатындығы атап өтілген. Құрамында метионин мөлшері жоғары болғандықтан, оны бұршақпен және бұршақ тұқымдас дақылдармен қосып  беруге болады. Сонымен қатар, оның құрамындағы талшық бидай кебегіндегі мөлшермен бірдей, сондықтан оны талшықтары аз азық құрамдарында қолдануға да болады.