ҚТЖ мен РТЖ Агроэкспресс арқылы контейнермен тасымалдау желісін дамытатын болады

«Қазақстан темір жолы» ұлттық компаниясы мен «РТЖ» ААҚ «Агроэкспресс» мамандандырылған сервисін ұйымдастыру және дамыту бойынша ынтымақтастық туралы меморандумға қол қойды. Бұл туралы ҚTЖ баспасөз қызметінен хабарлады.

Компанияның мәліметінше, тараптар «Агроэкспресс» үшін тиімді тарифтік бағаны белгілеп, аталған мәселені шешуге келісті. Сондай-ақ, теміржолшылар агроөнеркәсіптік өнімдерді таситын жүк базасын дайындап, бекітуге, поездардың нақты бағыттары мен жүру кестесін белгілеуге ниетті.

Құжатқа «ҚТЖ» ҰК» АҚ басқарма төрағасы Нұрлан Сауранбаев пен «РТЖ» ААҚ бас директоры - басқарма төрағасы Олег Белозёров қол қойды.

Бұған дейін ҚР Сауда және интеграция министрлігі мен Ресей экспорттық орталығы Орталық Азия - Қазақстан - Ресей тауарларының ағыны мен Еуразиялық тауар өткізу жүйесін қалыптастыру бойынша келіссөздер жүргізген болатын. РЭО бас директоры Вероника Никишина атап өткендей, «Ресей - Өзбекстан» агрологиялық дәлізі үш жақты болуы тиіс, себебі тауарлық жүк ағындары Қазақстан аумағы арқылы өтеді. Пойыздар ұзақ уақыт кідіріссіз жүру үшін бақылаушы органдардың жұмысын ұйымдастыру қажет, бұл тез бұзылатын өнімдерді дер кезінде жеткізу үшін өте маңызды.

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.