Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Түркістан облысындағы егістікті су басу салдарынан аграршылардың шығыны 4,1 млрд теңгеге жетті
09 мая 2020
Түркістан облысы Мақтаарал ауданында болған су тасқынынан жалпы ауданы 7639 га ауыл шаруашылығы алқаптары зардап шекті, сонымен қатар 297 бас мал өлді . Барлық ақпарат Үкіметке тапсырылды, әрі қарай ауыл тұрғындары өтемақы алады. Бұл туралы Түркістан облысының Өңірлік коммуникациялар қызметі (ӨКҚ) хабарлады.
«Ауданда 11 елді мекеннің егісті жерлері бұзылды. Жалпы алғанда 1 мыңнан астам ауыл шаруашылығымен айналысушылардың тізімі жасалды. Біз үкіметке жалпы 7639 гектар егіс алқабына 4 млрд 1 млн теңге көлеміндегі соманы есептеп, ұсындық. Комиссия шешімі бойынша тауар өндірушілерге әр түрлі дақылдар бойынша өтемақы төленеді», — деді ӨКҚ-тың облыстық ауыл шаруашылығы басқармасының басшысы Нұрбек Бадырақов брифингте.
Ол сондай-ақ үй малының шығыны 297 бас: 58 бас ірі қара, 227 қой мен ешкі, 16 жылқы, 2 түйе және 227 үй құстары болғанын атап өтті.
«Мал шығынының орнын толтыру үшін біз нарықтық баға бойынша 32 млн теңге көлеміндегі шығындарды есептедік және бұл мәліметті Үкіметке ұсындық», — деп нақтылады Нұрбек Бадырақов.
ӨКҚ мәліметтері бойынша, мал мен өнім үшін өтемақы төтенше жағдайға байланысты ашылған азаматтардың жеке шоттарына аударылады. Қосымша шот ашу қажет емес. Су сору жұмыстары аяқталғаннан кейін ауданға ауыл шаруашылығы министрлігінің мамандары келеді.
Бұған дейін Қазақстан үкіметі су астында қалған елді мекеннің әрбір тұрғыны үшін 100 мың теңге көлемінде өтемақы төленетінін айтқан еді.
