Экспортқа тыйым салудан күнбағыс өсірушілер зиян шегеді — сарапшы пікірі

ҚР Ауыл шаруашылық министрлігі 2 сәуірде  қол қойған азық -түлікті сыртқа шығаруға тыйым салу туралы шешімі күнбағыс өсірушілердің табысына қатты зиян келтіретін болады.

Аталған мәселе туралы «Атамекен» Ұлттық кәсіпкерлер палатасы басқармасы төрағасының агроөнеркәсіптік кешен жөніндегі кеңесшісі Ерболом Есенеев ElDala.kz материалында айтты.

«Осы тыйым салу шарасынан күнбағыс өсірушілер ең көп  зардап шегетін болады, — деді Ербол Есенеев. Себебі осы саланың еңбеккерлері өнімдерін әдейі көктемге дейін сақтайды.Сондықтан да олар несие алмай, көктем мезгілінде өнімдерін сатып пайда түсіруді жоспарлайды және түскен ақшаның бір бөлігіне тұқым сатып алады. Бұл олардың бизнестерін сақтайтын  «алтын қорлары». Бірақ елдегі тыйым бұл тәсілді жоқ қылып отыр»

Тақырыпты оқу: Қазақстандық еңбеккерлер егіс алқаптарын 30 % -ға дейін кеңейтуге дайын

Айта кетсек, Қазақстан Республикасы Ауылшаруашылық министрлігінің 2020 жыл 2 сәуірдегі № 111  «Қазақстан Республикасының аумағынан жекелеген тауарларды әкетудің кейбір мәселелері туралы» бұйрығын орындау мақсатында квота  беру  қарастырылды. Шешім  бойынша, ішкі нарықты кейбір өнімдермен қамтамасыз ету үшін  жұмсақ бидай және майлы дақылдар, бидай ұнына квота берілетін болады. Анықтап айтқанда, 2020 жылдың сәуір айына бидай экспортына 200 мың. т., ал ұн экспортына берілетін квота-70 мың. т. құрайды.