АШМ сәуір айына тазартылмаған күнбағыс майын экспорттауға квота бөлді

2020 жылдың сәуір айына тазартылмаған күнбағыс майын экспорттауға берілетін квотаның мөлшері 10 мың тоннаны құрайды. Бұл ақпаратты Қазақстан Ауыл шаруашылығы министрлігі хабарлады.

Тақырыпты оқу: Қазақстандық еңбеккерлер егіс алқаптарын 30 % -ға дейін кеңейтуге дайын

2020 жылдың сәуір айына тазартылмаған күнбағыс майын экспорттауға өтінім бергендер үшін берілетін квотаның лимиті бір өтінім берушіге 3 мың тонна.

Қазақстан Республикасының ішкі нарығындағындағы кепілдік берілген жеткізілімдердің көлемі 2020 жылдың сәуір айында 3 мың тоннаны құрады, ал сату үшін белгіленген баға ҚҚС-пен 290 мың теңге болды.

Өтінімдер 2020 жылғы 22 сәуірде сағат 15.00-ге дейін PDF форматында уәкілетті ұйымның электрондық пошта мекенжайларына қабылданады. Квоталарды есептеу және бөлу ҚР АШМ 2020 жылғы  2 сәуірдегі № 111 бұйрығымен бекітілген, қабылдау ережелері мен құжаттар Қазақстан Республикасы Ауыл шаруашылығы министрлігінің ресми интернет-ресурсында жарияланды.

Еске сала кетсек, Министрлік  қарақұмық, ақ қант, картоп, пияз, шалот пиязы, сарымсақ, порей-жуасы және басқа да көкөністер, күнбағыс тұқымы, күнбағыс майы,   қарақұмық жармасын сыртқа шығаруға тыйым салған еді. 

Алайда Қазақстан 15 сәуірде тез бұзылатын көкөніс түрлерін –пияз, қырыққабат, сәбізді экспортқа шығару туралы тыйымды  алып тастады.  Екі апта бұрын қабылданған шешімді қайта қарап өзгертуге ауыл шаруашылығы өнімдері көп жиналған оңтүстік облыс фермерлерінің шағымдары түрткі болды.

Анықтама:2020 жылдың сәуір айына жалпы бидай экспортына 200 мың. тонна, ал ұн экспортына берілетін квота-70 мың. тонна. Сонымен қатар, елде қырыққабат, қызылша, шалқан, сәбізді экспортқа шығаруға тыйым салынған. Бидай экспортына арналған квотаны  51 компания алды Сондай –ақ ауыл шаруашылық өнімдер экспортына берілетін квота ай сайын 2020 жылдың 1 қыркүйегіне дейін ай сайын анықталатын болады.

Тақырыпты оқу: Қазақстан аграршыларды дағдарыс кезінде қалай қолдады