Қазақстанның Украинадағы елшісі агробизнес өкілдерімен кездесті

Қазақстанның Украинадағы елшісі Дархан Калетаевтың кәсіпкерлермен кездесуі ақпан айының ортасында Киевте өтті. Екі елдің бизнес салаларындағы, соның ішінде агроөнеркәсіптік кешенде ынтымақтастықты нығайту мәселелері талқыланды.

Қазақстан үкіметі елге инвестиция тарту мәселесін белсенді түрде жүргізуде және бүкіл тәуелсіздік кезеңінде ел экономикасына салынған шетелдік инвестициялардың ағымы шамамен $350 құрады. 120-дан астам елдің инвесторлары келді. Негізгі инвестициялар Нидерланды, АҚШ және Швейцариядан. 2020 жылы Қазақстан Дүниежүзілік Банктің бизнесті жүргізу жеңілдігін бағалайтын Doing Business-2020 рейтингінде 25-орынға ие болды. 2019 жылмен салыстырғанда Қазақстан өз позициясын үш сатыға жоғарылатты.

Қазақстан Республикасы Сауда және интеграция министрлігінің мәліметтері бойынша 2019 жылы Қазақстан мен Украина арасындағы өзара сауда көлемі $1,3 млрд құрады. 2020 жылдың алғашқы 6 айында екі ел арасындағы өзара тауар айналымы $398 млн-ға жетті, бұл өткен жылдың осы кезеңімен салыстырғанда 36,7%-ға төмен. Алайда, Украинадан Қазақстанға әкелінген импорт 3,3% -ңа артып, $172,7 млн дейін өскендігі байқалады.

Сонымен қатар, көптеген украиналық компаниялар қазақстандық нарықта жұмыс істейді, атап айтқанда: Хороль механикалық зауыты, Vektor Company Group, Dairy Global Experts«ОЛИС» және басқалары. Аталған компаниялар бұл экспорттық бағытқа риза екендіктерін айтты және қазақстандық нарықта өз позицияларын нығайтуды жоспарлап отырғандықтарын жеткізді.

Естеріңізге сала кетейік, Украинада Kusto Agro атты ауыл шаруашылық холдингі 2012 жылдан бастап жұмыс істеуде, аталған кәсіпорын Винница, Житомир және Хмельницкий облыстарында 24 мың га өнім өңдеді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.