Қарағанды облысында мал азығына және майлы дақылдарға, көкөністерге арналған алқаптардың көлемі ұлғайды

Қарағанды ​​облысында көктемгі егін егу жұмыстарының қорытындысы жасалды. Кәсіпорындардың дайындығы мен уақтылы қаржыландырылуына байланысты егіс науқаны дер кезінде аяқталды. Қазір диқандар жазғы маусымдық жұмыстарды бастады. Бұл туралы облыс әкімінің баспасөз қызметінен хабарлады.

«Облыста егін егу жұмыстары белгіленген мерзімде аяқталды. Биылғы жылы көктемгі егіс көлемі 1 млн 1 мың 200 га құрады, бұл 2019 жылғы деңгейден 51,1 мың га артық. Өткен жылмен салыстырғанда дәнді және бұршақ дақылдарының алқабы 32,7 мың га артып, 895,7 мың га құрады. Оның ішінде арпа - 18,2 мың га және сұлы - 7,0 мың га.», - кеңесте ауылшаруашылық бөлімінің бастығы Сағынжан Апақашов осындай есеп берді.

Сонымен қатар, облыста картоп пен көкөністерді, майлы дақылдар мен жемшөп дақылдарын егу алаңы ұлғайды. Шаруашылықтар әр түрлі мал өсірумен айналысады. 8,700 тоннадан астам жоғары репродуктивті дән тұқымы және 4,300 тоннадан астам картоп тұқымы сатып алынды.

Басқарма басшысының хабарламасы бойынша, ауылшаруашылық тауар өндірушілеріне 335 миллион теңге субсидия берілді. «ҚазАгро» арқылы көктемгі дала жұмыстарын жасайтын 135 кәсіпорынға жалпы сомасы 4,2 млрд. теңгеден астам несие берілді. Сондай-ақ 19 мың тонна арзан бағамен дизель отыны бөлінді.

«Бағдарламалар бойынша субсидия төлеу жалғасуда, оның ішінде арамшөптерге арналған  химиялық препараттар, өсімдік зиянкестерін емдеу үшін ақша бөлінуде. Күн сайын ауыл шаруашылығы алқаптары мен дақылдары тексеріліп тұрады», - деді Сағынжан Апақашов.

Шегірткелерден сақтану мақсатында егістікті дәрілеу жұмыстары жүргізілді. Бұл үшін республикалық және облыстық бюджеттерден қаражат бөлінді. Алда жаз маусымында істейтін жем-шөп дайындау жұмыстары тұр.

Облыс әкімі Жеңіс Қасымбек аграрлық секторға барынша қажетті қолдау көрсетуді тапсырды.