Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Шымкентте 135 гектар алқапқа алма бақтары егілді
04 сентября 2020
Шымкенттік бағбандар озық тәжірибе арқылы өнімділікті арттыруда. Соңғы екі жылда қалада 135 га алқапта алма бақтары отырғызылды, деп хабарлайды Шымкент қаласының баспасөз қызметі.
Аталған бақтан түсетін өнімділік басқа бақтармен салыстырғанда 1,5-2 есе көп, деп атап өтті әкімдікте. Баспасөз қызметі хабарлағандай, «Д-Сабыр» шаруа қожалығының тәжірибесі туралы айтуға болады. Бозарық тұрғын алабында орналасқан бау-бақша шаруашылығына 100 млн теңге инвестиция салынды. Мұнда «Айдаред», «Ред делишес», «Джонагольд», «Глостер» сияқты алма түрлері өсіріледі. Шаруашылықта тұрақты жұмыспен 10 адам қамтамасыз етілген, маусымның басталуымен жұмысшылар саны артады.
Осы жобаға жұмсалған шығындардың бір бөлігін өтеу үшін мемлекет 25 млн теңге көлемінде субсидия бөліп, қолдау көрсетті.
Сонымен қатар, ағымдағы жылы озық технологияларды қолдана отырып, қалада ауданы 5,7 га өнеркәсіптік екі жылыжай кешені іске қосылды.
