Алматы облысындағы жылыжай жылына 500 тонна өнім алуды жоспарлап отыр

Алматы облысының Ұйғыр ауданында орналасқан «Экопродуктплюс» жылыжай кешені жылына 500 тоннаға дейін өнім алуды жоспарлап отыр. Бұл туралы облыс әкімінің баспасөз қызметі хабарлады.

Аталған жылыжай кешені Түрік технологияларын қолдана отырып, толығымен автоматтандырылған режимде жұмыс істейді.  

«Осы аймақтағы ыстық бұлақтардың жылуы мен күн сәулесінің энергиясы қолданылады, бұл жалпы шығындарды азайтуға көмектеседі және аймақтың экологиясына жақсы әсер етеді», - деді баспасөз қызметі.

«Экопродуктплюс» жылыжайының директоры Р.Баситовтың айтуынша, жылыжай кешенінде Түркияда жасалған климат-бақылау жүйесі орнатылған. Бұл жыл бойы біркелкі температураны ұстап тұруға мүмкіндік береді.

Тақырыпқа байланысты оқуҚарағанды облысында жерге қазып орналастырылған термос-жылыжай салынуда

2019 жылдың сәуір айында салына бастаған жылыжай кешені сол жылдың қазан айында пайдалануға берілді. Кешеннің ауданы 1,5 гектарды құрайды. Шаруашылық қияр, қызанақ және пияз өсіруге маманданған. Жоба жетекшілері жылына 500 тоннаға дейін өнім алуды жоспарлап отыр.

 Өнімнің басым бөлігі отандық нарыққа және көрші мемлекеттерге экспортталады. 15 адам жұмысқа орналастырылды. Жалпы, бүгінде Ұйғыр ауданында 13 жылыжай бар. Өткен жылы жылыжай шаруашылықтарының жалпы ауданы 12 га алып, 15% - ға ұлғайды.

Облыстық ауыл шаруашылығы басқармасының мәліметінше, жалпы Алматы облысында 101,1 га алқапта 101 жылыжай тіркелген. 1 қазандағы жағдай бойынша оларда 24,5 мың тонна өнім алынды, атап айтқанда қияр мен қызанақ жиналды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.