Ауыл шаруашылығы министрлігі Түрікменстаннан қызанақ пен бұрыш әкелуге тыйым салды

АӨК мемлекеттік инспекция комитеті 7 маусымнан бастап Түрікменстаннан қызанақ пен бұрыш әкелуге уақытша тыйым салды. Фитосанитариялық шектеулер көрсетілгендей бұл өнімдерде карантиндік организмдерді анықтау жағдайларының жиілеп кетуімен байланысты. Бұл туралы ҚР Ауыл шаруашылығы министрлігінің баспасөз қызметі хабарлады.

«Түркменстанның өсімдіктер карантині жөніндегі мемлекеттік қызметінің фитосанитариялық сертификаттау жүргізгенінде Қазақстанға әкелінетін қызанақ көкөністерінде карантиндік вирустың (Tomato brown rugose fruit virus (ToBRFV) 19 фактісі анықталды», - деп нақтылады ведомстводан.

Тақырыпқа байланысты оқу: Түркістандық үш жылыжайдың қызанақтарын вирус басқандықтан жойылды

Фитосанитариялық шаралар жөніндегі халықаралық стандарттың ережесіне сәйкес Түрікменстанның өсімдіктер карантині жөніндегі мемлекеттік қызметіне карантиндік фитосанитариялық талаптардың бұзылуы туралы нотификациялар жіберілді. Алайда Ауыл шаруашылығы министрлігінің деректері бойынша, қазақстандық мемлекеттік органдарда көрші республиканың экспорттайтын өнімінде вирустың пайда болу себептерін тексеру туралы шынайы да нақты деректер жоқ.

Қазақстан аумағында фитосанитарлық жағдайдың нашарлауының алдын алу мақсатында Түрікменстаннан қызанақ пен бұрыш жемістерін әкелуге уақытша тыйым салу туралы шешім қабылданды.

Жалпы алғанда жыл басынан бері Қазақстан аумағына карантин салынған өнімді әкелу кезінде өсімдік саласына байланысты 1300-ден астам заң бұзушылық анықталды, карантиндік фитосанитариялық талаптарды бұза отырып, карантинге жатқызылған 11 мың тонна өнімнің әкелінуіне жол берілмеді. Сырттан әкелінетін өнімнің 155 жағдайында карантиндік нысандар анықталды. Тәртіп бұзушыларға 56 млн теңгеден астам айыппұл салынды.

Бұған дейін Ауыл шаруашылығы министрлігі ToBRFV – топырақ астындағы көкөніс дақылдарының қауіпті патогені екенін түсіндірген болатын. Көптеген жолдар арқылы таралатын болғандықтан, соңғы екі жыл ішінде вирус Еуропа, Азия және Америка елдерінде анықталды. Ол жерлерде жабық және ашық топырақта өсетін қызанақ өндірісіне айтарлықтай зиян келтірілді. Вирус ұзақ уақыт бойы тұқымдар мен өсімдіктерде ғана емес, көптеген жерлерде тіршілік ете алады. Бұл вирустан қызанақ пен бұрыш дақылдары 70% дейін бұзылып кетуі мүмкін.

Вирустардың таралуын болдырмау үшін жылыжай жұмысшылары қатаң дезинфекция шараларын жасап, қызанақтарды жоюы тиіс.