Қазақстан көрші елдермен форвардтық келісім шарттар жасайтын болады

Жыл сайын маусым кезінде қымбаттайтын көкөніс өнімдерінің бағасын тұрақтандыру үшін Қазақстан көрші елдермен форвардтық келісім жасауды жоспарлап отыр. Бұл туралы бүгін халық алдындағы есеп беру кездесуінде Сауда және интеграция министрі Бақыт Сұлтанов мәлімдеді.

«Ішкі нарықтың тұрақтылығын және экспортты көлемін қамтамасыз ету үшін біз көршілерімізбен, атап айтқанда, Қырғызстанмен, Өзбекстанмен, Тәжікстанмен келісімшарт жасауды жоспарлап отырмыз. Мен бүгін Ортаазиялық мемлекеттерге, картоп, пияз, сәбіз және қырыққабат алу бойынша форвардтық шарттарды жасасу мәселесін қарастыру мақсатында іссапарға шықтым», - деді Сауда министрі.

Ведомство бұл делдалдардың маусым кезінде бағаны «аспандатып көтеруінен», сұранысты қанағаттандыруға мүмкіндік береді деп күтуде. Бұл жұмысқа бизнес өкілдері де кірісуі керек. Осы мәселені шешу үшін Тәжікстан мен Өзбекстанға сауда министрлігінің басшысымен делегация барады. Қазақстандық өндірушілер өнім жиналғаннан кейін оның экспорттау мәселесін келісетін болады.

«Алдын ала жасалған талдау көрсеткендей, жаппай егін жинау кезеңінде көрші елдерге шамамен 765 мың тонна көкөніс жеткізе аламыз. Сонымен қатар, маусым арасындағы кезеңде бізге 280 мың тонна импорттық ерте пісетін көкөністі алу үшін әріптестерімізбен бірге жағдайды талқылайтын боламыз», - деді Бақыт Сұлтанов.

Тақырыпқа байланысты оқу: Қайрат Бисетаев картоптың шынайы бағасын айтты

Сауда министрлігінің есептеулері бойынша, көрші елдермен келісімшарттар жасағаннан кейін көкөніс өнімдері бағасының қымбаттауы шамамен 7-10% - ды, ең көбі 20% - ды болады, тек 2-3 есе қымбаттамайды деген ойдамыз.

Жалпы, Бақыт Сұлтанов пандемия кезеңінде енгізілген локдаундар ауыл шаруашылығы тауарларының саудасына аз дәрежеде әсер еткенін атап өтті. Сонымен қатар басқа елдердің негізгі азық-түлік өнімдерін дүрлігіп сатып алуынан Қазақстанның өңделген ауыл шаруашылығы өнімдерінің экспортын 18% - ға өсіруіне мүмкіндік берді.