Қазақстанда астықты экспортқа жөнелту қарқыны төмендеді

Фото көзі: ElDala.kz

Өткен аптада Қазақстанда астық бағасы тұрақты болып қалды. Бірақ астықты экспортқа жөнелту қарқыны ішкі және экспорттық нарықтардағы сұраныс пен бағаның маусымдық төмендеуіне байланысты әлсіз болды. Бұл туралы Қазақстанның Астық одағының талдау департаментінің басшысы Евгений Карабанов мәлімдеді.

Сарапшының айтуынша, ЕТС биржасында бидайдың сатылымы да төмен болды: 15 097 тонна. Оның ішінде 3-сыныпты бидай (желімшесі 23%) тоннасына 85-100 мың теңге бағамен сатылды; 25% желімшесі бар «үштік» - тоннасына 100-102 мың теңге. Мәміле шарттары: EXW - желілік элеватор, ҚҚС 12%.

Бұдан басқа, СРТ (бекеті көрсетілмеген) шарттарында 3-сыныпты бидай (желімшесі 23%) - тоннасына 110 мың теңге бағамен сатылды. DAP Сарыағаш шарттарында 3-сыныпты бидай (желімшесі 23%) өте төмен бағамен тоннасына 86 574 теңгеге сатылды.

Евгений Карабановтың айтуынша, апта ішінде 3-сыныпты бидай (EXW-желілік элеватор, ҚҚС-пен) тоннасына 100 мың теңге (желімшесі 23%), 132 мың теңге (желімшесі 27%) және 137 мың теңге (желімшесі 30%) бағамен бірнеше рет ұсынылды. Алайда, бұл лоттар бойынша мәмілелер болған жоқ.

Сондай-ақ, сарапшы ішкі нарықтағы зығыр бағалары тұрақты болып қалғанын, ал экспорттық баға тоннасына шамамен 10 долларға өскенін айтты. CIF ARAG (Амстердам/Роттердам/Антверпен/Гент) шарттарындағы зығыр бағалары тоннасына 35-40 долларға, шілдеде жеткізіліммен 825-830 долларға дейін төмендеді.

«Бұл кейбір өнімдерде зығыр майын алмастырғыш ретінде қолданыла алатын рапс және майбұршақ майларының бағасын түзетуге байланысты болды. Сонымен қатар, қазақстандық зығырдың индикативтік бағалары 2025 жылдың соңында сарапшылар 2026 жылы ЕО-да ресейлік зығырға баж салығының 20-дан 50%-ға дейін өсуіне байланысты тоннасына 750-770 доллар деңгейінде болжайды», - деп атап өтті Евгений Карабанов.

Қазақстанның Астық одағының талдау комитетінің деректері бойынша 2-8 маусым аралығында EXW (элеватор) шарттарындағы бағалар 12% ҚҚС-пен келесідей (тоннасына мың теңге) қалыптасты:

• 3-сыныпты бидай (желімшесі 23-24%) – 91-94
• 3-сыныпты бидай (желімшесі 25-26%) – 95-98
• 3-сыныпты бидай (желімшесі 27%) – 111-115
• 3-сыныпты бидай(желімшесі  28-29%) – 124-127
• 3-сыныпты бидай (желімшесі 30+) – 138-142
• 4-сыныпты бидай – 89-92
• 5-сыныпты бидай – 86-89
• жемдік арпа – 87-91
• зығыр тұқымдары – 300-305

Экспорттық бағалар (USD/тонна):

• 3-сыныпты бидай (желімшесі 23-24 %) – 210-215 DAP Сарыағаш
• 3-сыныпты бидай (желімшесі 25-26%) – 215-220 DAP Сарыағаш
• 3-сыныпты бидай (желімшесі 27%) – 255-260 DAP Сарыағаш
• 3-сыныпты бидай (желімшесі 28-29%) – 280-285 DAP Сарыағаш
• 3-сыныпты бидай (желімшесі 30+) – 305-315
• 4-сыныпты бидай – 203-208 DAP Сарыағаш
• 5-сыныпты бидай – 201-205 DAP Сарыағаш
• зығыр тұқымдары– 590-595 FCA - жөнелту бекеті
• арпа – 208-212 DAP Сарыағаш
• арпа – 235-237 FOB Ақтау
• арпа – 215-218 DAP Достық/Алтынкөл
• қазақстандық ұн (Атта - ауған ұнтақтау) – 240-245 DAP Сарыағаш
• 1 с. ұн – 295-300 DAP Сарыағаш
• ж/с ұн – 390-395 DAP Caрыағаш️